DILI (TOP) — Prezidente Komisaun Nasionál ba Eleisaun (KNE) José Agustinho da Costa Belo hateten, sei aumenta tan sentru votasaun hamutuk 400 hodi responde ba eleisaun prezidensial to’o parlamentar.
Nia hatutan, desijaun atu aumenta sentru votasaun hirak ne’e KNE sei ko’alia hamutuk ho parte Sekretariadu Tekniku Administrasaun Eleitorál (STAE) inklui Parlamentu Nasionál.
“STAE no CNE liuhusi parlamentu sei aumenta tán sentru votasaun husi sentru votasaun 800, agora ba 1200,” hateten Prezidente KNE José Agustinho da Costa Belo ba jornalista sira iha nia knar fatin iha edifisiu KNE Kolmera-Dili, Kinta, 09 Dezembru 2021.
Belo dehan, mekanizmu ida ne’e hodi fasilita votante sira ba perigu ne’ebé maka karik mosu pandemia iha eleisaun prezidente prepúblika no eleisaun Parlamentár. Tanba komunidade sira hakarak hili sira nia direitu no sira hatene sira iha responsabilidade.
“Ami nia situasaun dezenvolvimentu ne’e la’o ami nia moris ba oin ne’e, sira maka hatene tanba ne’e maka ita nia tarjetu ba populasaun ne’ebé maka rasionál ne’e, hodi muda sira nia hanoin joven liu-liu universidade no sekundáriu sira ne’e hanesan pontensia ida para sira bele kompriende kona-ba votasaun,” nia esplika.
Nia dehan, tanba estundante sria ne’e maka dalaruma moviliza golput entaun KNE aproxima ba estutante sira katak sistema demokrasia golput laiha.
“Ita bele halo maibé labele públikamente, se públikamente ne’e krimi ne’ebé ita esplika sasan sira ne’e ba estudante sira”.
Nia informa, nasaun sira ne’ebé adopta demokrasia uniku dalan bele troka lideransa sira troka ita nia deputadu sira no partisipasaun liuhosi vota ne’e hodi bele ezije ne’e tenke liu husi eleisaun.
“Tanba ne’e maka votu ida menentukan ita nia direitu primeira vota entaun tenke manan votu ne’ebé maka barak 50%+1 sei ida maka la vota ba duni sei ita lakon osan ita mós lakon tempu tanba ne’e maka sira tenke partisipa,” nia enkoraja.
Nia dehan, se joven sira kritika ba estadu katak, bee laiha, edukasaun la la’o eletrisidade mate entaun sé maka responsabiliza tenke fó sira nia votu ho kritika ne’e iha direitu no responsabilidade iha sira iha direitur atu kritika tanba bele hetan buat ruma.
“Laiha lideransa ne’ebé maka iha Timor ne’e aat hotu kedas. Tanba husi kandidatu sira ne’e, pasti iha ida maka monu ba votante votante sira nia laran. entaun tenke hili no partidu mós hanesan ne’e”.
Nia hatutan, agora ba joven sira halo mós esklaresimentu balun ligadu ba eleisaun tinan oin nafatin aproxima sira hodi bele sira hotu tuir eleisaun tanba eleisaun la’os obrigatoriu.
“Orgaun independente CNE sei halo aproximasaun liu hosi universidade sira, reitor sira, no dosente sira,” nia informa.
Nia dehan, durante ne'e sidadaun sira maka konvida ekipa hodi ba halo sosializasaun kona-ba lalaok eleisaun iha Laga, Watukarbau ekipa ba fó edukasaun sivika foin lalais mós iha Osu, no Afloikai.
