Liu husi biban ida ne’e, hau – Martinho Germano da Silva Gusmão, hakarak hato’o hau nia sentimento profundo ho sincera gratidão ba:
- Sumo Pontífice Papa Francisco, iha 13 de Outubro de 2021 haraik ona DISPENSA ba hau nia Sagrada Ordem, ho liafuan hatudu “misericordia” ho “coração bondoso”, hodi fo hanoin mai hau katak Igreja nudar Inan laran luak hadomi nafatin hau nudar oan.
- Sua Eminência Cardeal Luis Antonio Tagle, Perfeito ba Congregatio por Gentium Evangelizatione, liu husi carta NOTIFICAÇÃO Prot. N. 2593/21 fo hatene decisão Santo Padre nian konaba hau nia estado husi clero ba leigo. Cardeal Tagle nia liafuan murak tebes, iha carta 15 de Outubro de 2021 dehan “A Igreja convida-o seriamente a ter uma vida exemplar como leigo e encoraja-o a prestar um serviço útil e frutuoso à comunidade cristã através dos dons e talentos que Deus lhe concedeu”.
- Eterna saudade ba Dom Basilio do Nascimento, nebe husi fulan Abril too Agosto 2021 halo conversa cordial konaba dalan nebe hau hili no decisão nebe hau foti. Liafuan ikus iha sms husi Dom Basilio dehan “O nia sucesso kreda nia orgulho [...] Desafio mosu atu estimula génio”.
- Dom Norberto do Amaral ho Dom Virgilio do Carmo da Silva, SDB ba coloquio naruk nebe ita halo iha Dili no Maliana. Mensagem nebe Amo na’in rua hatur bebeik mak “amizade” ho clero Timor-Leste labele halakon; no rona nafatin “a voz da consciência”.
- Ba maun-alin clero tomak Kreda Katolika Timor-Leste, religioso ho religiosa sira ... hau hakarak hatoo katak iha ksolok no esperança ita fahe ba malu, iha sofrimento no angustia ita lori hamutuk. Surat nebe hau simu husi Santo Padre Francisco no lia-menon husi Cardeal Luis Tagle hamutuk ho Bispo sira Timor-Leste fo knar foun ba hau atu fo TESTEMUNHA DA ESPERANÇA nebe durante ne’e ita lori hamutuk.
- Ba sarani tomak iha Kreda Katolika Timor-Leste, liu-liu ba Diocese Baucau (husi Baucau ba Lospalos to’o Manatuto no Viqueque)... iha tinan 23 nia laran hau serbi HODI CRISTO, HO CRISTO, IHA CRISTO; ohin ho espirito nebe hanesan hau dehan ho liafuan foun HODI POVO, HO POVO, IHA POVO ita tomak halo peregrinação foun.
