SANTA ROSA (TOP) — Kompañia Star Security hetan sorte di’ak tebes, tanba konsege manan projetu seguransa nian hamutuk 25 durante fulan hitu (7) nia laran iha Rejiaun Administrativu Espesial Oe-Kusi Ambeno (RAEOA), maibé haluhan tiha selu nia traballador sira hamutuk 259 durante fulan tolu ona, no balun tama ona ba fulan ha'at (4).
Tuir dokumentu arkivu pagamentu sira ne’ebé The Oe-Kusi Post (TOP) asesu, desde 30 Marsu to’o 22 Setembru tinan ida ne’e, kompañia Star Security konsege hetan projetu hamutuk 25 ho nia valor osan maka $365,700.53, maibé desde fulan Juñu to’o oras ne’e nia traballador hamutuk 259 maka seidauk simu sira nia direitu.
Tanba sente sira nia direitu violadu ona maka traballador hirak ne’e mós hatama ona keixa formal ida ba iha instituisaun legal sira hanesan ba iha Defensoria Públika iha Oe-Kusi Ambeno iha loron Kinta 7 Outubru foin lalais.
Portavoz traballador sira, José Bobo hateten, desde fulan Juñu to’o Setembru tinan ida ne’e sira hamutuk nain 159 maka seidauk simu salariu husi kompañia Star Security.
“Kompañia Star Security nia kontratu ho autoridade RAEOA remata ona, maibé kompañia ne’e seidauk selu ami nia salariu ne’e maka ami mai hato’o keixa iha edifisiu Defensoria Públiku hodi ezije ami nia direitu,” hateten José Bobo ba TOP iha edifisiu Defensor Públiku iha Santa Rosa, Oe-Kusi Ambeno, Kinta 07 Outubru 2021.
Nia hatutan, iha mós traballador balun tama ona ba fulan ha’at nia laran ona mós seidauk simu sira nia salariu.
“Balun fulan tolu (3) no balun fulan haat (4) ona seidauk selu hotu. Ida ne’e maka ami mai iha Defensor Públiku ne’e hatama ona keixa. Ami halo ona akordu ho Defensor Públiku Ambeno, tanba kompañia ne’e viola ona lei trabalhodores,” nia esplika.
TOP tenta ona konfirma assuntu ne’e ba xefe Star Security iha Oe-Kusi Ambeno, maibé la fó komentariu, tanba okupadu tebes ho nia serbisu.
Tuir mai lista projetu sira ne’ebé hetan ona pagamentu husi autoridade RAEOA ba kompañia Star Security desde Marsu to’o Setembru tinan ida ne’e.
30 Marsu 2021
1. Reguler Kompanha Star Security Lda fulan janeiru 2021 ba SRS hamutuk $11,620.66
30 Marsu 2021
2. Payment for Security Provision February 1-28,2021 for SRF hamutuk $26,082.47
2 Abril 2021
3. Pagamentu ba kompania star security ne'ebe halao ona servisu hanesan iha GPA diresaun infraestrutura,SAS no EDTL ba fulan janeiru hamutuk $53,560.15
7 Maiu 2021
4. Payment for Security Provision January 1-31 and February 1-28, 2021 International Airport hamutuk $13,066.74
12 Maiu 2021
5. Contrato de Prestação de Segurança 27/7 nos Edifiçios do Hospital Regional de Oe-Cusse Ambeno e da Clínica, Pante Macassar, RAEOA-ZEESM hamutuk $25,000.00
28 Juñu 2021
6. Pedido Pagamento ba Kompanhia Star Security Lda ba Fulan Marso 2021 nebe halo seguransa iha Edifiso Diresaun Regional Infraestructura ho Departamentu SAS hamutuk $54,743.58
28 Juñu 2021
7. Pedido Pagamento ba kompanhia Star Security Lda nebe halo servisu iha Aerporto International de Oe-Cusse durante Fulan Marsu 2021 hamutuk $13,233.59
28 Juñu 2021
8. Pedido Pagamento ba Kompanhia Star Security Lda ba Fulan Marsu 2021 nebe halo seguransa iha Edificio Diresaun Infraestructura, ho Departamentu SAS no EDTL hamutuk $54,743.58
28 Juñu 2021
9. Pedido Pagamento ba Kompanhia Star Security Lda ba Fulan Marsu 2021 nebe halo ona Seguransa iha Edificio Transporte, Alfandega, Posto Integrado sacato, Dormitorio Mahata, porto Mahata hamutuk $26,415.37
29 Juñu 2021
10. Pedido Pagamento Invoice Reguler Kompanhia Star Security Lda, ba Fulan Marso ho Abril 2021 hamutuk $11,768.94
9 Agostu 2021
11. Pedido Pagamentu Star Security Lda ba Fulan Janeiro no Febreiro 2021 hamutuk $1,446.19
9 Agostu 2021
12. Pedido Pagamento ba Star Security Lda fulan Marsu no Abril 2021 hamutuk $1,464.65
9 Agostu 2021
13. Pedido Pagamentu Salario Star Security Lda ba Fulan Marsu no Abril 2021 hamutuk $1,464.65
12 Agostu 2021
14. Enkaminha Pedido Pagamento Despezas Star Security Lda, ba Servisu Seguransa Nebe Konklui Ona Iha Fulan Maio 2021, SRAG hamutuk $2,931.48
24 Agostu 2021
15. Pedido Pagamento ba Funcionario Star Security Lda iha Jardim e Parque Desportivo RAEOA fulan JAneiro no Fevereiro 2021 hamutuk $1,446.19
24 Agostu 2021
16. Pedido Pagamento Star Security Lda, ba Fulan Maio 2021 hamutuk $732.87
24 Agostu 2021
17. Pedido Pagamento ba Companhia Star Security Lda ba Fulan Maio 2021, SRESS hamutuk $732.87
6 Setembru 2021
18. Pedido Pagamento ba Kompanhia Star Security Lda, ba Fulan Maio 2021 nebe halo Seguransa iha Edificio Transporte e Telekomunnikasaun, Alfadega, Posto Integrado Sacato, Dormitorio Mahata, iha RAEOA hamutuk $13,217.58.
6 Setembru 2021
19. Pedido Pagamento Invoice Reguler Kompanhia Star Security Lda ba Fulan Maio 2021 SRS hamutuk $5,888.88
6 Setembru 2021
20. Pedido Pagamento ba Kompanhia Star Security Lda nebe hako Servisu iha Airporto Internasional de Oe-cusse durante fulan Maio 2021 GPA hamutuk $6,621.76
6 Setembru 2021
21. Pedido Pagamento ba Kompanhia Star Security Lda nebe hako Servisu iha Airporto Internasional de Oe-cusse durante fulan Maio 2021 GPA hamutuk $6,621.76
6 Setembru 2021
22. Encaminha pedido pagamento Despezas Star Security.Lda, ba Servicu Seguranca ne'ebe Konklui ona iha Fulan Marco no Abril 2021 hamutuk $5,858.58
6 Setembru 2021
23. Pedido Pagamento Kompanhia Star Security Lda, ba Fulan Maio 2021 nebe halao Seguransa iha Edificio Diresaun Infraestrutura, ho Departamento SAS no EDTL iha OE-cusse Ambeno hamutuk $27,142.11
14 Setembru 2021
24. Pedido Pagamento ba Kompanhia Star Security Lda ba Fulan Maio 2021 hamutuk $732.87
22 Setembru 2021
25. Encaminha Pedido Pagamento Despezas Star Security Lda ba Servisu Seguransa nebe Konklui ona iha Fulan Janeiro no Fevereiro 2021 hamutuk $5,784.77
Total husi projetu 25 ne’e ho nia valor osan maka $365,700.53.
