MAP prevé osan tokon $ 5 ba Cesta Bázika

DILI (TOP) – Ministru Agrikultura no Peska hateten hetan osan ho montante tokon $ 5 atu sosa sasan ba sidadaun hotu iha Timor Leste.

"Ministeriu Agrikultura no Peska hetan osan Tokon $ 5 hodi sosa sesta bazika Ministeriu sira seluk hau lahatene más total hamutuk tokon $ 71," dehan Ministru Agrikultura no Peska Pedro dos Reis ba jurnalista sira iha Palasiu Governu Dili, Kuarta 21 Outubru 2020.

Nia hatutan, Ministeriu Agrikultura no peska nia hanoin ita públiku akompaña mezmu iha situasaun difisil maibé MAP mos kolleta iha fatin fatin.

"Ha’u nia preokupasaun maka ne'e atu kolleta barak ka itoan importante maka osan ne'e ba povu ida ne'e de’it. La’os katak itoan lakohi ba sosa ne'e labele para ita fó motivasaun ba inan-aman, agrikultura sira bele kuda, la'os tan de’it itoan ita labele ba sosa," nia esplika.

Nia argumenta, agrikultura sira tenke fa’an preoridade ba Ministeriu agrikultura sei imi la fa’an maka ne'e imi nia irigasaun la halo ida.

Ministru ne'e dehan, hakarak bolu agrikultur ida ne'ebé maka rejistu iha Ministeriu Agrikultura liu husi aprovizionamentu no kompañia ne'ebé maka durante renova hela de’it tenke asesu hotu.

"Ha'u atu bolu hotu fahe hotu bele hafasil atividade, ne'ebé maka hetan ona nia labele hetan tan, ida ne'ebé maka renova hela de’it aproveita oportunidade ne'e bok aan lais para ema labele halo monopoli," nia afirma.

Nia konta, MAP identifika ona iha Timor-laran tomak purezemplu iha Maliana iha foos no fatin ne'ebé laiha foos husi munisipiu sira ne'ebé mak laiha foos bele ba sosa iha maliana ba fahe iha ne'ebá, ba fatin ne'ebé mak iha foos ona nia bele simu fali buat seluk ida hanesan foos-rai, fore-munggu, fore-rai, batar-hikis no koto.

Nia esplika, sei hein hela MKAE trasa hela parte legal ne'e sei sira fó mai ona, foin estabele.

"Ba númeru tonelada hira, ha’u lakohi mensiona ida ne'e dalaruma komunidade balun kolleta hela más nia labele fa’an ida ne'e mos problema boot mai ita ne'ebé ami sei hein dokumentu legal," nia dehan.

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE