Oekusipost.com Dili – Sidadaun karantina sira iha Hotel-Katuas oras ne’e lakohi ona atu hela iha hotel ne’e rasik, tanba sira mós konsidera katak hotel ne’e kategoria ba liña mean ona.
“Ami mai iha Hotel-Katuas atu halo evakuasaun, sira iha pontu tolu. Primeiru, sira nain rua ne’e mak deskonfia positivu tenke hasai agora ba Vera Cruz, no sira seluk ba hotel seluk. Segundu, sira lakohi atu fó hasai teste ran. Se sira muda ba fatin karantina seluk, sira prontu ona atu koopera hodi hasai sira nia ran,” pessoal ambulante ne’e hatutan ezijensia sidadaun karantina Hotel-Katuas ba jornalista sira iha Hotel-katuas.
Pessoal ambulansia nee hatutan, karik la muda sira sai husi fatin ne'e pasiente sira ne’e sei la koopera atu hasai sira nia teste.
Ho situasaun ne’e, ikus mai tenke demora tiha prosesu evakuasaun ne’ebé tuir loloos tenke akontese iha oras tuku 11 dadersan, maibé la akontese. Nune’e, ekipa ambulansia sira mós tenke komunika fali ba Sentru Integradu ba Jestaun Krize hodi buka solusaun.
Fatin karantina Hotel-Katuas mós iha ekipa seguransa husi polisia, maibé parte seguransa sira ne’e mós labele halo buat ida.
Notisia relevante: Ambulansia Evakua Tan Pasiente COVID-19 "Nain 2" Husi Hotel-Katuas
Númeru pasiente COVID-19 positivu oras ne’e hamutuk nain 5 ona mesak Timoroan de’it no iha posibilidade boot sa’e ba nain 7, maibé informasaun klean sei fó sai husi Sentru Integradu Jestaun Krize.
