KM aprova projetu dekretu lei alterasaun ba MAE

DILI (TOP) – Konsellu Ministru (KM) liu husi Primeiru Ministru Taur Matan Ruak aprova projetu dekretu lei alterasaun Ministériu Administrasaun Estatal (MAE).

"Konsellu Ministru hala’o sorumutu, no aprova ho alterasaun projetu Dekretu Lei ne’ebé aprezenta husi Ministru Administrasaun Estatál, Miguel Pereira de Carvalho, kona-ba alterasaun ne’e ho objetivu atu kria estrutura ida ne’ebé forte no adekuada liu," dehan Fidelis ba jornslista sira iha Palásiu Governu-Dili, Kuarta 14 Outubru 2020.

Fidelis hatutan, hodi permite katak instituisaun ne’e presta ba sidadaun eleitór sira no partidu polítika sira, serbisu ida ne’ebé ho kualidade no profesionalismu boot liu hodi organiza prosesu eleitorál sira.

Fildelis akresenta, ho intervensaun lejislativa ida ne’e, prosede ba eliminasaun figura adjuntu ba Diretór Jerál no ba kriasaun Diresaun Nasionál Administrasaun no Finansas, Aprovizionamentu, Lojístika no Rekursus Umanus, Diresaun Nasionál Koordenasaun Munisipál no Rejiaun Administrativa Espesiál Oe-Kusi Ambeno (RAEOA), Edukasaun Eleitorál no Asuntu Jurídiku sira no Diresaun Nasionál ba Jestaun Baze Dadus ba Resensiamentu Eleitorál, informasaun ba Públiku no Relasaun Esterna.

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE