DILI (TOP) — Prezidente Autoridade ba Rejiaun Administrativu Espesiál Oe-Kusi Ambeno (RAEOA) Arsenío Paixão Bano hateten, antes ne’e governante sira husi governu sentral katak ai-han sira ne’ebé sei fahe iha Oe-Kusi Ambeno sei mai husi Dili, maibé Bano dehan Oe-Kusi Ambeno mós ai-han lokal balun ne’ebé la presija no la nesesariu atu lori hotu husi Dili.
Nia dehan, programa ne’e tuir loloos tenke la’o ona, maibé agora sei iha hela prosesu aprovizionamentu. Seidauk hatene empreza lokal husi Ambeno hira maka sei sai manan nain ba iha tenderizasaun ne’e.
“Ema balun dehan husi kapital Dili maka atu ba halo serbisu iha Oe-Kusi Ambeno kona-ba Cesta Bázika, más husi RAEOA tuir tiha tender lai ba! Karik laiha maka husi kapital Dili ba kuandu hahan iha Oe-Kusi laiha mai buka iha kapital Timor Leste nian,” hateten Bano ba jornalista sira iha Palásiu Governu, Dili Kinta 21 Janeiru 2021.
“Cesta Bázika ba RAEOA iha, maibé sei la’o hela iha prosesu aprovizionamentu. Foos-rai balun iha no batar balun mós iha, ita hahu tiha ba maka batar nurak sira tuir ba,” nia esplika.
Bano hatutan, ai-han lokal sira iha Ambeno iha hela, maibé nia fó sala fali ba udan been maka tun atraza, no dehan tan sei iha ema itoan de’it maka simu programa Cesta Bázika ne’e.
Entretantu, antes ne’e iha loron 13 Janeiru 2020, Ministru Koordenador ba assuntu Ekonomia Joaquim Amaral katak Produtu Cesta Báziku ba Ambeno sei mai husi Dili.
