DILI (TOP) – Primeiru-Ministru atual Prezidente ba Partidu Libertasaun Popular (PLP) Taur Matan Ruak (TMR) nia Jesus la konsege hetan votu barak iha munisipiu Aileu no Rejiaun Administrativu Espesial Oe-Kusi Ambeno (RAEOA), tanba fatin rua ne’e okupa husi kandidatu prezidente José Manuel Ramos-Horta.
“Ita ténke buka ema ida hanesan Jesus. Hatene terus para salva ema. Ema ida ne’ebé ema trata, nia nonok de’it, ema tolok nia nonok de’it, ema insulta nia nonok de’it, hanesan Jesus. Ema ne’e maka naran Lú Olo,” Taur Matan Ruak hateten durante nia diskursu iha konferensional nasionál PLP nian ne’ebé hala’o iha salaun Madre Canosiana Has-Laran-Dili, Domingu 27 Marsu 2022.
Hafoin vota iha eskola Farol -Dili, kandidatu Prezidenti Repúblika Francisco Guterres Lú Olo optimista manán iha eleisaun prezidensiál ronde daruak no apela ba povu tomak atu partisipa iha eleisaun segunda-volta hodi hili Prezidenti Repúblika ba Timor-Leste no ba Povu tomak.
“Ha’u garante katak manán no husik rezultadu depois determina, demokrásia hanesan ne’e duni lakon ka manán, ha’u sempre hatete nafatin ho dignidade.” Lú Olo, hatete.
Tanba ne’e kuandu la eleitu mos nu’udar sidadaun, sei kontribui nafatin atu nene’e rai Timor-Leste bele la’o ba oin.
“Hanesan sidadaun ha’u sei kontribui nafatin saida mak ha’u bele, para ita-nia rain ne’e la’o ba oin liu husi ha’u nia kumprimisu hotu-hotu ne’ebé ha’u hatete ona ba povu. Ha’u fiar metin ha’u nia an saida mak ha’u kompremete ba povu ha’u halo tuir deit ida ne’e.” Lú Olo, hatete.
Lú Olo vota iha eskola Farol-Dili. Foto Julião Fernandes.
Prioridade kuandu re-eleitu husi povu nia votus sei garante estabilidade nasionál no paz, kumpri misaun nu’udar Xefe Estadu no tuir deit Konstituisaun sei garante estabilidade ho orgaun sira hotu atu hala’o dezenvolvementu ba povu no nasaun.
Nuudar kandidatu Prezidenti Repúblika husu nafatin ba povu tomak atu garante estabilidade no paz iha rai-laran no sei hametin koperasaun ho nasaun sira seluk.
“Relasaun ho Timor-Leste ho Indonézia, iha ha’u nia vizita ha’u hatete ona ba prezidenti Jokowi katak Timor-Leste ho Indonézia tenke kaer liman hamutuk para hateke ba oin. Alende ne’e koperasaun ho relasaun bilateral ho pais sira seluk sei la’o nafatin.” Prezidenti Repúblika Lú Olo, hatete.
Kandidatu numeru 2 hakarak polítika ekonomia ida labele halo despeza maibé Importante mak konsumu maibé tenke produz.
“Ha’u hakarak ekonomia ida sustentabel ba ita-nia rain, labele halo despeza maibé despeza para hadi’ak povu nia-moris, konsumu sem produtivu la’os ho ha’u, ita konsumu maibé ita tenke produz.” Lú Olo, deklara.
Durante ne’e Prezidente PLP mós tun ba halo kampaña hodi ajuda kandidatu Lú Olo tenke manan iha eleisaun ronde daruak nian ne’e, maibé mosu komentariu balun katak, ho prezensa Taur Matan Ruak nian iha kampaña ronde daruak ne’e, TMR lori saku mamuk mak entrega ba Lú Olo, tanba politkamente estrutura PLP nian metin iha leten de’it, maibé estruta sira husi nivel aldeia to’o municipal monu namtati hanesan has-tasak.
Prosesu apuramentu nasionál nian mós kandidatu Horta oras ne’e lidera hela kompara ho kandidatu Lú Olo nian.
Author: The Oekusi PostWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál.
Rua. Numbei, Oe-Kusi Ambeno
Mobile: +670 7723 4114
Email: info (at) OeKusiPost.com
