DILI (TOP) – Rezultadu provizoriu ba eleisaun prezidensial ronde daruak nian iha postu administrativu Atsabe, munisipiu Ermera hatudu, kandidatu Prezidente Repúblika Francisco Guterres Lú Olo kontinua hetan derrota tanba hetan de’it votu validu hamutuk 1637 kompara ho kandidatu Prezidente Repúblika José Manuel Ramos-Horta mak hetan votu validu barak liu hamutuk 5930.
Tuir informasaun ne’ebé The Oe-Kusi Post (TOP) asesu, postu Atsabe kompostu husi suku 12 mak hanesan suku Malabe Horta hetan votu hamutuk 676, Lú Olo hetan de’it 175, suku Tiarlelo Horta hetan 144, Lú Olo hetan 105, suku Lasaun Horta hetan 927, Lú Olo hetan 97, suku Obulo Horta hetan 572, Lú Olo hetan de’it 96, Suku Laklo Horta hetan 547, Lú Olo hetan 118, Suku Baboe-Kraik Horta hetan 768, Lú Olo hetan 220, suku Baboe-Leten Horta hetan 415, Lú Olo hetan 80, suku Batumanu Horta hetan 355, Lú Olo hetan 62, suku Leimia Horta hetan 761, Lú Olo hetan 228, suku Atara Horta hetan 1059, Lú Olo hetan 138, suku Laubono Horta hetan 261, Lú Olo hetan 54, suku Parami Horta hetan 445, Lú Olo hetan 264.
Nune’e, total votu validu husi postu Atsabe ba kandidatu Horta hetan 5930, no Lú Olo hetan de’it 1637.
