DILI (TOP) – Kandidatu Prezidente Repúblika ho númeru sorteiu 2 Francisco Guterres Lú Olo hetan derrota iha sentru votasaun sira iha Australia, tanba hetan de’it votu validu hamutuk 130, no kandidatu José Manuel Ramos-Horta mak hetan votu validu barak liu hamutuk 184.
Tuir rezultadu kontajen provizoriu ne’ebé The Oe-Kusi Post (TOP) asesu, sentru votasaun sira iha Austrália, hanesan Sydney, Darwin, no Melbourne hatudu Horta hetan votu hamutuk 184 no Lú Olo hetan de’it votu 130.
Votante Timoroan sira iha Austrália ne’ebé tuir hamutuk ema nain 314. Hamutuk nain 184 mak depozita sira nia konfiansa ba Horta no hamutuk nain 130 mak ba Lú Olo.