DILI (TOP) — Prezidente Partidu Congresso Nasionál Recontrução Timorense (CNRT) Kay Rala Xanana Gusmão sarani Prezidente Partidu Frente Revolusionáriu Timor Lorosa’e Independente (FRETILIN) Francisco Guterres Lú Olo nu’udar Homen Estado de Ermegencia tanba durante ne’e sulan povu hanesan animal, maibé Estadu laiha responsabilidade hodi tau matan ba povu.
“Regerio Lobato ko’alia ohin dehan katak, José Manuel Ramos Horta mak Homen de Estado. Lú Olo mós Homen Estado de Emergencia,” Xanana dehan asuntu ne’e hodi hatutan Rogerio Tiago Lobato nia diskursu iha komísiu politika kandidatu Prezidente José Manuel Ramos Horta iha Tasi-tolu, Aldeia 12 de Outubro, Suku Comoro, Postu Administrativu Dom-Aleixo Munisipiu Dili, Tersa 12 Abril 2022.
Iha fatin hanesan Rogerio Lobato hatutan, povu doben Timor Leste presiza hare ema ida ne’ebé kandidatu Prezidente Repúblika José Manuel Ramos Horta tanba ema ne’e lori lian portugés karik homen ba estadu.
“Maun alin sira ita presiza ema sira ne’ebé ho lian portugés karik Homen do estadu, ita nia estadu Timor-Leste presiza ema ida hanesan Doutor José Manuel Ramos Horta imi hatene iha tinan 1999,” nia hatutan.
Nia esplika, bainhira iha problema barak iha ne’e melisia sira oho ema barak interfet molok atu tama mai Timor Leste José Ramos Horta ba hasoru iha Nova Gelandia Prezidente Estadus Unidus Amerika Bir Clinton.
Tanba amerika uluk hamutuk ho Autralia apoia Indonenzia makaas maibé iha tinan barak doutor José Manuel Ramos Horta hanesan reprezentante Timor Leste iha Nova Yorke halo servisu iha ke boot durante tinan barak nia konvense amerikanu sira atu hamutuk ho ita kontra fali pais sira ne’ebé ukun iha iha Timor Leste.
Nia hatutan, lider karismatiku Kay Rala Xanana Gusmão mak dada bee husi Tasi-Tolu ba tasi-boot iha tempu ne’ebá ema sira ne’ebé maka kaer governu kaer ukun sira nunka mai hamutuk ho imi loos ka lae? Ne’e duni maun Xanana hili maun José Manuel Ramos Horta liu husi Partidu CNRT ne’e eskolla di’ak ida.
