DILI (TOP) — Diretó Jerál, Sekretáriu Jerál Tekniku Administrasaun Eleitorál (STAE) Acelino Manuel Branco anunsia ekipa rejista ona votantente sira iha sentru paralelu hamutuk na’in 4000 resin iha kapitál Dili.
“Ha’u hakarak informa mós katak, sentru votasaun ita rejistu purvolta mais 4 mill itál iha kapitál Dili,” Acelino Manuel Branco hateten ba jornalista sira hafoin plenaria hamutuk ho Prezidente CNE, reprezentante kandidatura Prezidente Repúblika na’in 16 iha sala plenaria CNE, Kaikoli-Dili, Tersa 08 Marsu 2022.
Diretó Jerál, Sekretáriu Jerál Tekniku Administrasaun Eleitorál ne’e esplika, maske sidadaun balun foin hato’o preokupasaun maibé dala ida tan. Prosesu eleitoral la’o tuir ninia tempu ne’ebé rejignadu.
Sentru votasaun paralelu ne’e atu fasilita Timoroan sira ne’ebé laiha biban hodi fila ba vota iha sira nia suku ida-idak iha rai laran, tanba ho rajaun serbisu no rajaun seluk tan.
“Tuir lei no prosesu rejistu ba sentru votasaun paralelu ita taka tiha ona iha tersa 02 Marsu 2022. Dadauk ne’e tekniku sira halo hela preparasaun lori produs lista votante ba iha sentru paralelu tolu iha kapital Dili,” nia hateten.
