DILI (TOP) — Komandante Munisípiu Baukau, Superintendente Xefe António de Sá hateten, asaun konfrontasaun ne’e apoiante kandidatu Prezidente Partidu Frente Revolusionáriu Timor Lorosa’e Independente (FRETILIN), Francisco Guterres Lú Olo no militante apoiu kandidatu Prezidente Repúblika husi Prezidente Kmanek Haburas Unidade Timor oan (KHUNTO) Armanda Berta do Santos asalta malu hasoru ema nain lima hetan kanek, uma ida hetan estragu iha Munisipiu Baukau.
Komandante PNTL Munisipiu Baukau, Superintendente Xefe, Antonio de Sa, informa, asaun konfrontu ne’ebé akontese iha Baucau Domingu o6 Marsu. Husi milinate kandidatu Prezidente Republika Francisco Guterres Lú Olo ho númeru sorteiru neen (6) no Kandidatu Prezidente Repúblika Armanda Berta do Santos ho númeiru sorteiu sia (9).
“Iha konfrontu ne’e, ema nain lima kanek, uma ida rahun, inklui motor rua hetan estragus. Nune’e Polisia tun ba halo kedan intervensaun,” Komandante PNTL Munisipiu Baukau ne’e hateten via kontaktu telemovél The Oe-Kusi Post (TOP), Domingu kalan 06 Marsu 2022.
Komendante Munisípiu Baukau ne’e esplika, situsaun la’o normal fali no atividade kamapaña iha Munisipiu Baukau la’o fila-fali iha ambiente ne’ebé di’ak.
“Kazu ne’e, iha Baukau vila kota lama iha tuku 13 liu menutu balun. Iha meudia ne’e, motivu kazu ne’e, apoiante kandidatu Prezidente Republika husi númeiru sorteu 6 no kandidatu Prezidente Republika numeiru sorteiu 9”.
Superintendente Xefe António de Sá ne’e konta, bainhira kandidatu Prezidente Repúblika ho númeiru sorteiu 9 halo kampaña iha kampu futeball Triloka, Baukau nune’e iha asaun espontansia entre militante radikal husi apoiante rua numeiru sorteu 6 no 9 nian liuliu joven sira provoka malu, to’o mosu konfrontu asalta malu.
Komendante Munisípiu Baukau informa, kazu ne’e, dadaun Polisia Nasionál Timor Leste (PNTL) Baukau submete ona ba prosesu investigsaun ba konfrontasaun ne’e.
“Ita seidauk detein ema ruma ba kazu ne’e rasik. Ami ohin bolu deit ekipa susesu sira husi apoiante kandidatu numeiru 6 no 9 mai ko’alia no konkorda ho sira hodi rezolve, sira apoiante kandidatu rua ne’e promete sei rezolve problema ne’e hamutuk hodi buka solusaun ne’ebe di’ak. Maibe ami kontinua submete kazu ne’e ba prosesu investigsaun, hodi hatene loloos ninian motivu husi kazu ne’e,” Komandante PNTL Munisipiu Baukau ne’e informa.
Nia informa liu tan, aban Komandu PNTL Baukau sei enkotru ho ekipa susesu ba kandidatu hosi kandidatu numeiru 6 no 9 hodi buka solusaun ba kazu ne’e nune’e labele akontese tan.
“Kuandu iha apoiante husi kandidatu rua ne’e maka detekta sala sei kondena tuir lei Komisaun Nasional Eleisaun (CNE) ne’ebé vigor. Tanba asaun ne’e espontania. Maibe prosesu investigasaun husi polisia ba asaun krimi ne’e sei kontinua, tempu badak ami sei fo sai rezultadu investigsaun,” Antonio de Sa hateten.
Iha parte seluk, Koordenador FRETILIN munisipiu Manufahi mós halo asaltu ba apoiante sira husi kandidatu PR José Ramos-Horta nian iha Holarua, postu administrativu Same iha loron Domingu, 06 Marsu 2022.
