LAUHATA (TOP) — Kandidatu Prezidente Repúblika ba periodu 2022 to’o 2027 Mariano Asanami Sabino hateten, nia kandidatu ne’e atu ba salva guarda konstituisaun Repúblika Demokratika Timor-Leste (RDTL), tanba durante tinan 20 ona seidauk tuir loloos konstituisaun.
“Ha’u hambrik atu salva guarda konstituisaun, hatur konstituisaun iha ninia dalan. Tanba depois tinan 20 ita la hala’o tuir loloos konstituisaun ita intepreta tuir ita nia hakarak, tuir ita nia nesesidade, tanba ita hakarak ba poder,” The Oekusi Post (TOP) asesu tuir pajina Assanami ba Prezidente RDTL ofisiál, kandidatu Mariano Asanami Sabino hateten lia hirak ne’e liuhusi diskursu komisíu politika iha kampu Futeball, Lauhata, Munisipiu Likisa, Domingu 06 Marsu 2022.
Prezidente Partidu Demokratiku ne’e esplika, konstituisaun durante ne’e la’o to’o ohin loron maibé nia sei la kondena maun sira ne’ebé maka kontra konstituisaun durante tinan 20 ne’e.
“Ha’u hakarak futuru ba jerasaun ne’e di’ak, la lakon tempu ba ida ne’ebé ke pasadu tanba ne’e parte konsiderasaun, husi konstrusaun estadu Timor Leste maibé ba future tenke diak ba joven sira presiza sente emblema politika ida di’ak ba sira,” nia hateten.
Asanami hatutan, moris di’ak ba povu utiliza politika para hatun malu, impata malu, halo terus malu, tanba nu’udar alin ho maun, nu’udar aman ho oan nu’udar familia ida funu maka fahe iha tinan 1975, 1999 no tinan 2006 tanba politika.
“Tanba ne’e tenke suku la’os mai ho kateri ketak tan. Ekonomia hakdasak tanba impase politika, tanba ne’e maka prezidente republika sei orienta politika estadu loloos eleisaun iha ne’e”.
Nia dehan, salariu professor tenke hasae, salariu mediku sira tenke hasa’e, no salariu funsionariu publiku mos tenke hasae, salariu baziku mos tenke hasae hotu tanba labele sai salariu kiik oan ne’ebé sai baze fundamentu tenke muda.
“Governu tenke buka osan husi investimentu publiku setor publiku ita iha telekomunikasaun ita iha transporte airon ninian ita mos iha portu ninian ita tenke rezolve setor sira ne’e maibé tenke intregadu ba setor sira ne’e ho intregadu konvida ema seluk tama ita mos tama ba ema seluk”.
“Prezidente repúblika maka pose no nomea tenke fo responsabilidade ba membru governu sira hasae PNTL nia osan hasae F-FDTL nia osa sira maka sai lutu ba nasaun ita tenke hasae sira nia salariu ho dignu labele,” nia promete.
