Governu desidi liberta ona Dili husi konfinamentu obrigatóriu

DILI (TOP) – Rezultadu reuniaun Konsellu Ministru sira ne’ebé hala’o iha loron 8 Setembru 2021 iha Auditóriu Ministériu Finansas desidi hodi liberta ona populasaun sira iha munisipiu Dili husi konfinamentu obrigatóriu jeral katak, populasaun sira ne’ebé kompleta ona vasina dala rua livre ona sai husi Dili ba munisipiu seluk, no populasaun sira husi munisipiu seluk mós livre ona ba Dili.

“Hakotu impozisaun Konfinamentu Obrigatóriu Jerál (lockdown) ba populasaun iha Munisípiu Dili nian, husi tuku 23:59, husi loron 9 fulan-setembru tinan 2021. Mantein impozisaun serka sanitária iha Munisípiu Baukau, Ermera Dili, no Kovalima, to’o loron 22 fulan-setembru tinan 2021,” haktuir desijaun Konsellu Ministru sira ne’ebé The Oe-Kusi Post (TOP) asesu iha portal governu, Kuarta 8 Setembru 2021.

“Hakotu impozisaun serka sanitária iha area sira ne’ebé abranja husi suku Naimeko, postu administrativu Pante Makassar, no husi suku Bobometo, postu administrativu Oesilu, suku rua ne’e iha Rejiaun Administrativa Espesiál Oe-Kusi Ambeno nian, to’o tuku 23:59, husi loron 8 fulan-setembru tinan 2021”.

Desijaun governu nian ne’e katak, impozisaun serka sanitária iha Munisípiu Manufahi, ne’ebé vigora to’o loron 15  fulan-setembru tinan 2021, la iha alterasaun.

“Nune’e, bandu nafatin tama no sai husi munisípiu Baukau, Kovalima, Dili, Ermera no Manufahi, exetu tanba razaun sira seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian”.

Proibisaun ida-ne’e la abranje ba indivíduu sira ne’ebé komprova ona vasinasaun kompleta (doze rua) kontra COVID-19 nian, nune’e mós ba labarik sira iha tinan neen mai-kraik ne’ebé akompaña indivíduu sira ne’e.

The Oekusi Post
Author: The Oekusi PostWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál. Rua. Numbei, Oe-Kusi Ambeno Mobile: +670 7723 4114 Email: info (at) OeKusiPost.com

PUBLISIDADE

Online Counter