Bano “lakohi” feto no labarik sira iha Ambeno moris iha violénsia

Oe-Bau (TOP) – Prezidente Autoridade ba Rejiaun Administrativu Oe-Kusi Ambeno (RAEOA), Arsenio Paixão Bano katak, nia “lakohi” tebes atu feto no labarik sira iha Oe-Kusi Ambeno moris iha violénsia nia laran maske númeru estatistika hatudu kazu violensia domestika a’as tebes iha rai-ketan ne’e inklui labarik sira ho idade menor barak liu maka ba buka serbisu iha kapital Dili, tanba durante tinan lima implementasaun projetu pilotu Zona Espesial ba Ekonomia Sosial no Merkadu (ZEESM) iha suku 5 nia laran lakonsege rezolve problema sosial sira ne’ebé akontese.

Bazeia ba eventu global kampaña loron 16 violensia bazeia ba jeneru, ne’ebé hala’o kada tinan iha loron 25 Novembru to’o 10 Dezembro, RAEOA mós hala’o ona atividade komesa iha loron primeiru no ensera iha loron Kinta liuba.

Tanba ne’e Prezidente autoridade ba Rejiaun Administrativa Espesial Oe-kusi Ambeno Arsenio Paixão Bano apela katak feto no labarik tenki livre ona husi problema violensia

“Husi tinan ida ne’e ba oin labele iha ema ida iha kotuk, liu-liu labarik feto no feto sira hotu, tenki ho mane la’o hamutuk lori Oe-Kusi ba oin, entaun feto sira labele senti tidak aman lagi mane sira sei servisu maka’as labele moris iha violensia,” hateten Bano liu husi nia diskursu enseramentu ba kampaña violénsia feto iha kampu futebol Oe-Bau iha Oe-Kusi Ambeno, Kinta 10 Dezembru 2020.

“Ha’u ho ha’u nia kolega sira ho mane hotu iha Oe-Kusi Ambeno ne’e sei serbisu maka’as para halo feto senti sira mos iha fatin iha Oe-Kusi Ambeno labele inseguru iha fatin ne’ebé deit liu-liu iha uma no fatin públiku, entaun mane sira bele halo ida ne’e”.

Eis deputadu FRETILIN ne’e hatutan, tinan oin feto sira tenki maka’as liu tan iha Oe-Kusi Ambeno bainhira iha eventu saida de’it feto-mane tenki iha oin hotu, tinan oin eventu iha nasionál iha karik feto Oe-Kusi Ambeno tenki partisipa ba hatudu iha nasionál ne’eba ka iha fatin ne’ebé deit.

“Entaun ita Oe-Kusi Ambeno tinan ida ne’e ba oin ita tenki maka’as liu tan ko’alia la’e ba violénsia hasoru feto no labarik sira, liu-liu mane sira tenki ko’alia maka’as liutan no komporta liutan para violénsia hasoru feto no labarik sira para iha Oe-Kusi Ambeno”.

Abilio Elo Nini
Author: Abilio Elo NiniWebsite: www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Reporter
Reporter base in Ambeno, Oecusse.

PUBLISIDADE

Online Counter