DILI (TOP) - Prezidente Estados Unidos Amerika (EUA), Donald Trump hateten, nia konkorda ona ho sesarfogu semana rua ho Iraun iha loron-Tersa, 07 Abril 2026 antes tuku 8 kalan prazu atu estraga "sivilizasaun tomak".
Prezidente Trump katak, akordu sesarfogu halo ho kondisaun katak Iraun aseita hodi loke fali estreitu krítiku Ormuz nian.
“Bazeia ba konversa sira ho Primeiru-Ministru Shehbaz Sharif no Field Marechal Asim Munir, hosi Pakistaun, no iha ne'ebé sira husu atu ha'u hapara forsa destrutiva ne'ebé haruka ohin kalan ba Iraun, no sujeitu ba Repúblika Islámika Iraun nian ne'ebé konkorda ho LOKE KOMPLETA, IMEDIATA, no SEGURU Estreitu Hormuz nian, ha'u konkorda atu suspende atake no bombardeamentu Iraun nian períodu semana rua nian. Ida-ne'e sei sai hanesan sesar-fogu ho parte rua!,” Trump publika iha Truth Social.
"Razaun atu halo ida-ne'e maka tanba ami kumpre ona no ultrapasa ona objetivu Militár sira hotu, no dook tebes ho Akordu definitivu ida kona-ba PAZ ba Longu Prazu ho Iraun, no PAZ iha Médiu Oriente," Trump esplika.
“Ami simu proposta pontu 10 hosi Iraun, no fiar katak ida-ne'e hanesan baze traballável ida ne'ebé bele halo negosiasaun. Kuaze pontu oioin hosi kontensaun pasadu nian hetan ona akordu entre Estadus Unidus no Iraun, maibé períodu semana rua sei permite atu finaliza no konsuma Akordu ne'e. Hodi Estadus Unidus Amérika nia naran, nu'udar Prezidente no reprezenta mós Médiu Oriente, hanesan nasaun ida Onra atu iha problema Longu prazu ida-ne'e besik ba rezolusaun,” nia hatutan.
Casa Branca (White House) taka iha oras tuku 6:44 lokraik, signifika katak ofisiál sira la antisipa katak imprensa sei haree Trump iha kalan tomak.
