DILI (TOP) — Repúblika Popular China (RPC) liu husi Provinsia Hunan estabelese ona akordu kooperasaun lima (5) ho governu Timor-Leste.
Primeiru – Ministru, Kay Rala Xanana Gusmão hateten, akordu kooperasaun iha setor prioridade lima ne’e asina tiha ona entre tinan 2014 – 2017. Entre akordu hirak ne’e, ida maki ha área agrikultura ne’ebé Provinsia Hunan estabelese tiha ona ho munisipiu Manatuto.
“Ne’ebé ohin mai ne’e ami ko’alia kona-ba planu tekniku sira, no kontinuasaun programa ne’e. Sira dehan katak, hahan iha ne’ebá kapas tebes, ne’ebé tinan lima mai ne’e ami sei buka koordena nafatin ho Hunan atu mai ho haree dezenvovlimentu agrikuktura iha Timor tomak,” hateten PM Xanana ba jornalista sira iha Palásiu Governu, Dili, Domingu 10 Setembru 2023.
PM Xanana konsidera programa hirak ne’e importante ba tinan liman governasaun hodi apoia direita povu agrikultura hasa’e dezenvolvimentu produsaun agrikultura iha Timor-Leste.
Xefe Governu ne’e haktuir, tanba problema Timor nian maka udan mosu la’ós ho nia tempu, rasik, maibé sempre estraga buat barak, nune’e IX Governu sei halo estudu nafatin no koperasaun tanba Xina hakarak apoiu iha tinan lima nia laran.
“iha tinan mai ne’e troka inpresoens ba malu, sira estuda haruka mai ami haree buat sira ne’e hotu, tanba iha tinan2014, ha’u ba to’o iha ne’ebá ami ko’alia hodi inisia iha akordu sidades irman Hunan ho manatutu ne’ebé sira mós sente katak bele loke ba to’o ba Oe-kusi no fatin sira seluk. Ne’ebé 2014 sira dehan o tenke ba fali tinan 10”, Xefe Governu ne’e esplika.
Nia informa, iha enkontru ne’e mós sira ko’alia kona-ba dezenvovlimentu ekonómiku, xefe Governu fó hatene planu Governu ninian kona-ba agrikultura, sira halo produsaun Animal (Fahi), ne’e duni maka komforme Governadór Xina atu haree fali sidadaun Timor hakiak karau.
“Tanba Karau ita bele hasai susu been lori ba labarik eskola sira iha fatin hotu-hotu, liu-liu merenda esakolár, no ita bele esporta ona, tanba ita hatene katak, Indonézia nia populasaun barak tebes, karau ne’ebe sira hakiak ne’e mós la to’o, tanba hola husi Australia folin karun, ne’e duni sira bele ajuda ita mós hodi implennta halo kriasaun ba karau,” katak PM Xanana.
Iha fatin hanesan, Governador Provínsia Hunan-China, Mao Weiming agradese bele introdus direita program ba PM Xanana membru governu no povu Manatutu sira hodi kria kooperasaun ne’ebé di’ak liutan iha setór agrikultura nian.
Ekontru bilateral ne’e, Primeiru-Ministru, Kay Rala Xanana Gusmão akompaña husi Vise Primeiru-Ministru, Ministru Koordenadór ba asuntu Ekonómiku, Minstru Turizmu no Ambiente, Francisco Kalbuadi Lay, Ministru Administrasaun Estatal, Tomas do Rosario Cabral, no Ministru Agrikultura no Peskas (MAP), Marcos da Cruz.
