ONU firme apoiu governu iha setór ekonomia

 Koordenadór Rezidente Nasoins Unidas ba Timor-Leste Roy Trivedy. Foto Media ONU.

DILI (TOP) – Organizasaun Nasoins Unidas (ONU) firme kontinua fó apoiu ba governu Timor-Leste iha setór ekonomia.

Koordenadór Rezidente Nasoins Unidas Roy Trivedy, informa primeiru ministru Taur Matan Ruak, esplika itoan kona-ba prioridade parte governu, situasaun polítika iha Timor-Leste, krize corona virus ne’ebé maka impaktu ba saúde no sósiu ekonómika.

Nune’e mós primeiru ministru ko’alia kona-ba estabilizasaun ekonomia ne’ebé maka governu prepara tiha ona komisaun planu rekuperasaun ekonomia.

“Papél ONU atu ajuda sidadaun no governu Timor-Leste durante situasaun corona virus,” hatete Roy ba jornalista sira iha palasiu governu foin lalais.

Nia hatutan, enkontru ne’e mós ko’alia kona-ba kooperasaun multilateral, edukasaun, seguransa alimentár no halo oinsá maka bele fó formasaun ba joven sira.

Tuir nia haree, daudaun ne’e governu forma tiha ona ekipa komisaun planu rekuperasaun ekonomia ne’ebé lideradu hosi Rui Gomes, para haree planu ba rekuperasaun ekonomia iha longu prazu.

Nia hatete, ONU sei servisu hamutuk ho parseiru dezenvolvimentu halo oinsá maka atu fó apoiu ba joven sira liuhosi formasaun

Trivedy rekoñese katak, iha mundu tomak daudaun ne’e situasaun ekonomia difisil tebes, tanba akontese krize Covid-19 ne’ebé afeta ba empreza barak maka para.

Nia kompromete katak, ONU mantein atu suporta governu liuhosi planu ekonomia, tanba durante ne’e sidadaun vulneravel barak maka afeta ai-han.

Nia hatutan, apoiu ne’e polítika importante iha momentu pandemia Covid-19, tanba populasaun sira maka hasoru problema barak durante pandemia Corona   virus.

Marcelino Bata
Author: Marcelino BataEmail: Este endereço de email está sendo protegido de spambots. Você precisa do JavaScript ativado para vê-lo.

PUBLISIDADE