Oekusipost.com Dili – Traballador ida ne’ebé hetan oportunidade hodi ba hala’o serbisu iha Austrália oras ne’e isin rua, no haruka fila ona mai Timor-Leste.
Tuir dokumentu atestadu médiku ne’ebé Oe-Kusi Post iha no asesu prova, trabaladora ho naran inisial NM oras ne’e isin rua no autoridade husi nasaun rua, Timor-Leste no Austrália haruka ona nia fila mai Timor-Leste iha loron Segunda, 23 Marsu 2020 iha oras tuku ha’at lorokraik.
Adidu Traballador ba Austrália, António Armindo (Tony) rekoñese katak NM isin rua duni, no oras ne’e tama hela karantina durante loron 14 nia laran remata mak foin ba SEPFOPE hodi hato’o informasaun klean liutan kon-bá situasaun ne’ebé nia hasoru.
Nia hatutan, NM foin mak hetan oportunidade Seasonal Worker no ba Austrália iha fulan Janeiru tinan 2020.
“To'o kuandu moras grave ruma hanesan ran fakar baixa iha ospital to'o semana ida bele selu husi $ 20.000 - $ 30.000. Satan sira asuransi isin rua laiha ne'e sira osan iha ne'ebé mak atu selu ,” hatete adidu Tony via kontaktu telemovél ba Oe-Kusi Post, Segunda 23 Marsu 2020.
