DILI (TOP) - Empreza petróleu no gás husi Austrália, Timor Resources Pty Ltd, ne’ebé lidera husi nia Diretór Naun-Ezekutivu Christopher Moyes no eis Ministra Negósiu Estranjeiru Austrália atual asesora Timor Resources Pty Ltd, Julie Bishop atualiza ona informasaun balun ba Primeiru-Ministru Kay Rala Xanana Gusmão katak empreza ne’e hahú fura ona posu mina tolu iha rai-maran TImor-Leste (TL).
Tuir Komunidade ba Imprensa husi Media Gabinete Primeiru-Ministru nian katak, dirijente Empreza Timor Resources atualiza ona progresu serbisu ne’e bá Primeiru-Ministru (PM), Kay Rala Xanana Gusmão iha Palásiu Governu, iha loron Kinta, 16 Abril 2026.
“Empreza Timor Resources fura ona posu mina tolu iha rai-maran iha Timor. Ami haree atu avansa esplorasaun bá avaliasaun no dezenvolvimentu. Ohin ami iha oportunidade atu hasoru malu ho Primeiru-Ministru no fahe ami-nia interrese bá projetu ida-ne’e. Ami mós husu ninia apoiu atu la’o bá oin tantu benefísiu bá ami-nia empreza no Timor-Leste,” Diretór Ezekutivu Timor Resources, Christopher Moyes hateten.
Empreza ne’e apresia tebtebes ho apoiu hosi Primeiru-Ministru, Xanana Gusmão tanba fó konfiansa bá sira hodi esplora riku-soin Timor nian atu lori benefísiu bá povu TL tomak.
“Ami hein atu fura posu adisionál sira iha rai-maran nune’e dezenvolve rezerva potensiál mina-rai no rezerva gás nian,” Christopher Moyes hateten.
Timor Resources Pty Ltd nu’udár empreza privada australianu mina no gás, ne’ebé harii iha tinan 2016 ho objetivu úniku atu buka mina no gás iha rai-maran Timor-Leste.
Timor Resources hanesan Operadór iha bloku esplorasaun rai-maran rua ne’ebé prospektivu tebes iha Timor-Leste.
Timor Resources iha parseria ho Kompañia Minarai Nasionál TIMOR GAP, fura ona posu esplorasaun 3 entre 2021 no 2023 ho susesu 100%.
Deskoberta signifikativu sira mina-rai no gás nian halo ona. Esforsu sira atu avalia deskoberta sira-ne'e hala'o hela. Posu esplorasaun adisionál rua planeia ona atu koko tipu jogu oioin ho alvu oioin.
Iha reuniaun ne’e akompaña hosi Eis-Ministru Negósiu Estranjeiru no Kooperasaun Austrália, Julie Bishop, atualmente hanesan assesora Empreza Timor Resources.
Timor Resources Pty Ltd nu’udar empreza privadu australianu, ne’ebé harii iha tinan 2016, ho objetivu úniku atu buka mina no gás iha rai-maran Timor-Leste. Timor Resources mak nu’udar Operadór, iha bloku esplorasaun rai-maran rua ne’ebé prospetivu tebes ne’ebé ka’er PSC TL OT 1708 no PSC TL OT 1709 Timor-Leste. Serbisu iha parseria ho Kompañia Nasionál Mina-rai Timor-Leste nian. Timor Resources halo perfurasaun ba posu esplorasaun 3 dahuluk iha tinan 2021.
Mina-rai no gás ne'ebé signifikativu hetan ona no esforsu sira atu avalia deskoberta sira-ne'e agora hala'o hela.
Timor Resources hanesan kompañia konvensionál esplorasaun mina no gás iha rai-maran ho deskoberta materiál sira iha rai-maran iha Timor Leste.
Kompañia kaer direitu arrendamentu ba ~3,100sqkm ba bloku rai-maran rua iha Timor Leste nia laran, no iha Kontratu Fahe Produsaun ho governu Timor Leste.
Karteira rekursu nian mak mistura ida ne'ebé maka'as husi rekursu sira ne'ebé mak deskobre ona, inklui, deskoberta mina-rai ne'ebé mak ladún klean no rekursu gás naturál sira ho impaktu aas, ne'ebé mak signifikativu iha rejionál. Prazu badak: ~20 MMBOE (rekursu kontinjente 2C). Programa Avaliasaun ba dezenvolvimentu sei hala'o iha 2025.
Prazu médiu: ~800 MMBOE (2U P50 rekursu prospetivu sira) – oportunidade lalehan azul, inklui to'o ~7 TCF gás naturál nian.
Projetu sira ho signifikadu nasionál ba Timor Leste
Hafoin liberta aan husi kolonizador Indonézia iha tinan 2002, Timor Leste nudar nasaun joven no vibrante. Setór enerjia mak pilár xave ida ba kreximentu ba ekonomia nasionál no rejiaun ne'e mak destinu hidrokarbonetu ida ne'ebé prospetivu tebes.
Tuir konkluzaun produsaun komersiál iha Bayu Undan, Kompañia nia deskoberta sira iha rai-maran oferese kontribuisaun ba tempu badak ba reseita governu nian enkuantu aselera dezenvolvimentu ekonómiku no kria oportunidade empregu.
Deskoberta gás sira mós iha potensiál atu kria fundasaun estratéjiku ida ba independénsia no reziliénsia enerjétika nasionál.
Kompañia nia misaun maka “atu loke potensiál rekursu enerjétiku iha rai-maran Timor-Leste nian hodi nune’e hadi’a moris no kria rikusoin ba povu Timor-Leste nian enkuantu fornese retornu signifikativu ba ita-nia asionista sira.”
