DILI (TOP) – Lider rejistensia atual eis Prezidente Repúblika, Kay Rala Xanana Gusmão hato’o nia sentidu kondolensia ba governu Indonézia liliu ba familia vitima husi insidente Submarino KRI Nanggala 402 ne’ebé mout iha estreito Bali.
Submarino KRI Nanggala 402 husi Frota Surabaya II lakon kontaktu durante exersisiu tiru SUT Torpedo iha tasi Bali. Ema nain 53 maka iha Submarino ne’e nia laran.
“After following very closely the event surrounding the shrinking of the KRI Nanggala 402 submarine with 53 sailors on board, I would like to offer my heartfelt condolence to you to the Government of Indonesia, to the families and loved ones of the crew members affected by this devastating incident. My sympathies and thoughts are with the people of Indonesia in this time of grief,” konteudu karta Xanana ne’ebé TOP asesu, Tersa 27 Abril 2021.
Hafoin haruka karta ne’e liu minutu balun de’it, parte protokolu Ministériu Negósiu Estranjeiru (Deplu) Indonézia mós responde kedas karta ne’e ho hato’o agradesimentu.
Entretantu, antes ne’e Xefe Serbisu Informasaun Mariña Indonezia, Laksma Widjojono deklara, iha ema nain 53 maka iha submarino ne’e nia laran no lakon kontaktu iha loron Kinta 22 Abril 2021.
Hafoin buka liu loron ha’at, submarino KRI Nanggala 402 ne’e mouth ona. Xefe Estado Maior Mariña Indonezia, almirante Yudho Margono katak hetan ona submarino ne’e nakfera fahe ba parte tolu.
“Eziste parte sira husi KRI Nanggala ne’ebé nakfera ba parte tolu,” nia hateten liu husi intervista koletivu virtual iha loron Domingu 25 Abril 2021. Kondisaun ro fahe ba parte tolu no mout ona iha tasi-kidun ho klean metru 838.
Komandante Militar Indonézia, Marechal Hadi Tjahjanto, anunsia direitamente katak sira nain 53 ne’e nu’udar membru tripulasaun KRI Nanggala 402 mós mate hotu. KRI Nanggala 402 nia mout ne’e nu’udar insidente fatal ikus iha mundu. Antes ne’e, rejista série insidente fatal ne’ebé destroi submarino no hamate ema iha mundu.
Submarino KRI Nanggala hahu konstroi husi empreza Alemaña ho naran Howaldtswerke-Deutsche Werft iha Marsu 1978, no lansa iha loron 10 Setembru 1980.
