F-FDTL sei ba tuir formasaun Forsa Terrestre iha Indonézia

DILI (TOP) – Ulun boot sira iha instituisaun FALINTIL-Forsa Defeza Timor-Leste (F-FDTL) oras ne’e planeia ona atu haruka membru F-FDTL balun atu ba tuir formasaun kona-ba Forsa Terrestre nian iha Repúblika Indonézia (RI) iha tempu badak.

Tuir informasaun ne’ebé The Oe-Kusi Post (TOP) asesu husi pájina ofisial Relação Informação Pública FALINTIL-Força Defesa de Timor-Leste katak, enkontru entre Timor-Leste ho Indonézia ne’e lidera husi Xefe Estadu Maior F-FDTL Brigadeiro Jenerál Calisto Santos “Coliati” ho naran Indonesia Timor-Leste (INAMOR) liu husi Video Konferensia iha Kuartel Jenerál F-FDTL, Fatuhada, Dili.

Xefe Estadu Maior F-FDTL Brigadeiro Jenerál Calisto Santos “Coliati”, hatete enkontro ida ne’e hanesan enkontro bilateral entre F-FDTL ho TNI partikularmente ho Forsa Terrestre ka angkatan darat Indonézia nian, ho objetivu kona-ba koperasaun bilateral iha área defesa entre Timor-Leste ho Indonézia.

Foto Media F-FDTL.

“Diskusaun ida ne’e, área ne’ebé maka ami diskuti maka hanesan primeiru, ami ko’alia kona-ba rekursu humanu, parte Indonesia nian bele ajuda ita hodi fó formasaun iha área barak, hanesan iha área Forsa Terrestre nian no ita sei prepara ofisiais sira husi parte Forsa Terrestre nian, sei ba halo formasaun iha Indonesia, nune’e mós iha área kavalaria nian, no artilaria, tanba Indonézia uluk ajuda ona ita artilaria ne’en (6) agora dadauk iha hela Metinaro, no parte F-FDTL prontu nafatin serbisu hamutuk ho TNI hodi kapasita ita nia militar sira iha área sira ne’ebé maka mensiona no mós parte saúde nian,” katak Brigadeiro Jenerál Calisto Santos “Coliati” ne’ebé TOP asesu husi pájina ofisial Relação Informação Pública FALINTIL-Força Defesa de Timor-Leste, Sesta 8 Outubru 2021.

Partisipa iha enkontor ne’e maka hanesan Xefe Estadu Maior FALINTIL-FDTL Brigadeiro Jenerál Calisto Santos “Coliati”, Adido Defesa Indonesia iha Timor-Leste, Adido Defesa Timor-Leste iha Indonesia, Komandante Komponente Terrestre, Komandante Komponente Naval, Komandante Komponente Nukleu Aero, Komandante Operasaun F-FDTL, Reprezentante husi Ministériu da Defesa no Koperasaun Tekniku Militar F-FDTL.

The Oekusi Post
Author: The Oekusi PostWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál. Rua. Numbei, Oe-Kusi Ambeno Mobile: +670 7723 4114 Email: info (at) OeKusiPost.com

PUBLISIDADE

Online Counter