DILI (TOP) – Vitima inundasaun ida ne’ebé mota lori iha Meti-Aut iha loron 4 Abril 2021 iis kotu ona, tanba médiku sira la konsege salva nia.
Matebian Agustinho Neno husi aldeia Huebanais, suku Bobometo, sub-rejiaun Oe-Silo, Oe-Kusi Ambeno mota-been hoban nia husi Domingu 04 Abril oras madrugada, no foin hetan fali iha oras 11 dadersan ho kondisaun ain to’o ren-toos rai hakoi tiha, no ulun de’it maka sai.
Membru familia ida Thomas Oqui katak, Agustinho Neno (Agus Tomae) nia iis foin kotu iha loron Kinta 15 Abril 2021 oras tuku 6 dadersan.
“Nia foin mate ohin dadersan tuku 6,” katak Thomas Oqui via kontaktu telemovél ba The Oe-Kusi (TOP) Kinta 15 Abril 2021.
Hafoin matebian evakua ba HNGV, médiku sira halo esforsu durante loron 12 nia laran hodi salva nia, maibé esforsu durante semana rua nia-laran ne’e sai folin la’ek tiha ohin dadersa.
Oras ne’e maluk no familia matebian sira iha hela sala mortuariu HNGV nian, no sei husu tulun governu nian hodi transporta mate-isin ne’e ba halo’ot iha Huebanais tuir sira-nia tradisaun.
