DILI (TOP) - Polisia Serbisu Investigasaun Kriminal kaptura tan ona sidadaun Indonezia no Xina hamutuk nain-90 iha Scam Call Center no Online Game iha Ulmera, munisipiu Likisa, no Comoro-Dili iha loron Segunda, 13 Jullu 2026.
Iha tempu ne’ebé autoridade seguransa sira halo atuasaun, suspeitu sira bosok hela kliente balun ne’ebé konsege transfere ona osan balun ba konta bankaria Scam Call Center ne’e. Husi sidadaun nain-90 ne'e, nain-76 ka'er iha Ulmera no nain-14 ka'er iha Comoro, Dili.
Notisia relevante: Laloran Scam Call Center no Online Gambling hahu husi Ambeno da'et ba kapital Dili
Tuir reportazen husi ekipa Radio no Televizaun Timor-Leste (RTTL) katak, autoridade seguransa sira mós konsege prende fasilidade lubuk ida ne’ebé utiliza iha atividade ilisitu ne’e.
Suspeitu sidadaun estranjeiru hirak ne’e, polisia asegura ona hodi submete ba iha prosesu investigasaun.
Dadus husi autoridade seguransa katak, durante fulan rua ikus ne’e, konsege taka ona Scam Call Center no Onlige Game hamutuk lima iha Dili no Likisa.
