DILI (TOP) – Pasiente ida ne’ebé foin lalais tama ba hospital ho moras komplikadu hanesan hipertensia no insufiensia renal iis kotu ona iha Hospital Lahane, Dili.
Tuir krononolia husi Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS, Rui Maria de Araújo katak, feto ho tinan 44, diagnostikadu pozitivu SARS-CoV-2 iha loron 24 Marsu 2021 (foti asmostra iha loron 23 Marsu 2021), iha cluster Sagrada Familia, Bidau, asintomatiku. Iha uma-laran hamutuk ema na'in 2 maka pozitivu. Sira iha kontaktu besik ho kazu pozitivu ne'ebé diagnostikadu iha cluster hanesan. Ninia CT (cycle threshod) iha loron 24 Marsu: N2 gene 28.1; E gene 26.2.
"No, tama iha fatin izolamentu Tasi Tolu, iha loron 24 Marsu. Iha fali loron 4 Abril matebian keixa fraku, han la di'ak. Hafoin halo obeservasaun iha Tasi Tolu, iha loron 5 Abril dader muda ba fatin izolamentu iha Lahane. Iha fatin izolamentu Lahane, hala'o observasaun intensivu, ho diagnoze de traballu (working diagnosis) Covid-19 Kazu Grave plus uremia, tamba insufisiensia renal faze term inal. Iha dia 6 de Abril dader, tuku 7h10, pasiente husik i' is", hateten Rui Araújo Tersa 06 Abril 2021.
"Ninia rezultadu test PCR post -mortem (hafoin i' is-kotu) : Pozit ivu ho CT (Cycle Threshold) N2 Gene 34.5; E Gene 30.8".
Kona-ba pasiente ne’ebé ho tinan 69 ho kondisaun sintomátiku, grave oras ne'e sei simu hela tratamentu intensivu iha Vera Cruz, Dili.
Ekipa ambulansia ba foti pasiente ne’e iha nia uma, no lori ba halo tratamentu ba infesaun seluk ne’ebé mós afeta ninia pulmaun, no pasiente uza hela ‘’high flow oxigen’’.
Entretantu, tuir komentariu familia balun la konkorda ho sira nia familia ne’e kona moras Covid-19, maibé governu maka ba foti obriga de’it sira nia familia ne’e hodi ikus mai bele dekreta nia mate, tanba kazu husi Covid-19 maske ema ne’e sofre moras seluk kleur tiha ona.
