FATUK-AHI (TOP) – Ohin kompleta ona loron aniversariu restaurasaun independensia Timor-Leste bad ala 19 hafoin povu maioria ho vontade popular vota ba ukun rasik-aan iha loron 30 Agustu 1999.
Atividade selebrasaun ba loron istoriku ne’e ba tinan ida ne’e labele hala’o, tanba governu desidi labele komemora loron importante ne'e ho rajaun atu evita propagasaun surtu Covid-19 iha Timor-Leste.
Maske nune'e, lider karismátiku Kay Rala Xanana Gusmão ho ekipa, kontinua komemora aniversariu loron restaurasaun Independensia 20 Maiu 2021, ba dala 19 liu husi halo asaun solidariedade ba komunidade aldeia 4, iha suku Kamea (Fatuahi) Cristo Rei, no Metinaro iha parte dadersan, no iha parte lorokraik mós povu sira iha bairu foun Tasi-Tolu nian simu prezensa Xanana ho bandeira nasionál RDTL nu'udar sinal festeza loron importante ida ohin.
Entretantu, Xefe Estadu, Francisco Guterres Lú Olo komemora loron istoriku ne’e liu husi hato’o mensajen iha sira nia pajina ofisial Facebook, no media sira de’it.
