DILI (TOP) – Embaixador Repúblika Popular China ba Timor-Leste, Xiao Jianguo diskuti assuntu global balun ho Prezidente Partidu CNRT, Komandante em Xefe das FALINTIL, Kay Rala Xanana Gusmão durante oras rua resin.
Sorumutu entre diplomata China ho Komandante em Xefe das FALINTIL ne’e hala’o iha sede nasionál partidu CNRT iha Bairro dos Grilho-Dili iha loron Kuarta 17 Agustu 2022.
Embaixador Repúblika Popular China ba Timor-Leste, Xiao Jianguo foto hamutuk ho Prezidente Partidu CNRT, Kay Rala Xanana Gusmão hafoin remata diskuti assuntu nasionál no global iha sede nasionál partidu CNRT iha Bairro dos Grilhos-Dili, Kuarta 17 Agustu 2022. Foto TOP/Raimundos Oki.
Prezidente Partidu CNRT, Kay Rala Xanana Gusmão akompaña husi nia vise I Prezidente, Virgilio Simith inklui Sekretariu Jeral Partidu CNRT, Francisco Kalbuadi Lay simu diplomata China ne’e iha oras tuku 3 lororaik, no enkontru remata iha oras tuku 5 lorokraik.
Prezidente Partidu CNRT, Kay Rala Xanana Gusmão akompaña husi nia Vise I Prezidente, Virgilio Simith ho Sekretariu Jeral, Francisco Kalbuadi Lay (klaran) simu vizita husi Embaixador Repúblika Popular China ba Timor-Leste, Xiao Jianguo iha sede nasionál partidu CNRT iha Bairro dos Grilhos-Dili, Kuarta 17 Agustu 2022. Foto TOP/Raimundos Oki.
Hafoin sorumutu ne’e, Prezidente Partidu CNRT, Kay Rala Xanana Gusmão hateten, diplomata sira ne’ebé akreditadu iha Timor-Leste inklui China dala ruma hasoru malu hodi troka hanoin kona-ba assuntu oioin inklui mós evolusaun mundu global ohin loron nian.
“Ami ko’alia ne’e internasional, ko’alia nasionál no rejional,” hateten Xanana ba jornalista sira iha sede nasionál partidu CNRT iha Bairro dos Grilhos-Dili, Kuarta 17 Agustu 2022.
Prezidente partidu CNRT hamutuk ho nia Sekretariu Jeral, Francisco Kalbuadi Lay simu vizita diplomata husi Estadus Unidus Amerika (EUA) ne’ebé responsavel ba asuntu politika no ekonomia, Fausto DeGuzman iha sede nasionál partidu CNRT iha Bairro dos Grilhos-Dili. Foto TOP/Raimundos Oki.
Antes ne’e mós eis Primeiru-Ministru ne’e hasoru malu ho diplomata husi Estadus Unidus Amerika (EUA) ne’ebé responsavel ba asuntu politika no ekonomia, Fausto DeGuzman hodi ko’alia mós kona-ba assuntu oioin.
Author:Raimundos OkiWebsite:https://www.oekusipost.comEmail:Este endereço de email está sendo protegido de spambots. Você precisa do JavaScript ativado para vê-lo.
