Migrasaun Oe-Silo Instala Ona Postu Prevensaun Virus Corona

Ekipa konjunta iha Oe-Silo. Foto Marcos Seo.

Oekusipost.com Oe-Silo – Ekipa konjuta prevensaun Virus Corona instala ona postu prevensaun ba virus vorona iha postu Migrasaun sub-rejiaun Oe-Silo.

Diretór interinu Saúde RAEOA, Marcos Seo hatete, instalasaun postu prevensaun iha postu migrasaun Oe-Silo, bazeia ba rezolusaun ida ne'ebé governu hasai hodi prevene virus iha rai laran, tanba virus ne'e rasik afeta ona ba nasaun avansadu barak iha mundu.

"Ekipa integradu ba prevensaun ba virus corona ne'e servisu direta iha frontera", Seo hateten ba Oe-Kusi Post iha Fronteira Oe-Silo, Oe-Kusi Ambeo 5 Marsu 2020.

Seo hatutan, postu prevensaun virus corona instala ona iha postu integrál Sakato, Aeroportu no Oe-Silo, hela de'it Pasabe no Citrana mak seidauk bele instala tanba pesoál imigrasaun seidauk iha hodi bele iha movimentu ema tama-sai.

"Bainhira pesoál imigrasaun iha ona, ami parte saúde prontu atu bele instala postu prevensaun ho ekipamentu, ami mós sei koloka ami nia pesoál saúde hodi bele servisu hamutuk atu prevene virus corona husi ema tama sai-uza pasaporte", nia promete.

Entretantu, pesoál karantina Oe-Silo, Ernesto Caunan agradese ba governu sentral ne'ebé hasai ona rezolusaun ida atu prevene virus corona ne'ebé lori perigu ba ema nia moris.

"Agora daudaun virus corona tama ona iha nasaun viziñu Indonézia, ita presija antisipa atu labele tama to'o ita nia nasaun", Caunan fó hanoin. (*)

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE

Online Counter