AMBENO (TOP) - Diretór Rejionál ba Administrasaun no Rekursu Humanu, Domingos Punef hamutuk ho Serketariu Rejional Administrasaun no Finansa Rejiaun Administrasaun Espesial Oe-Kusi Ambeno (RAEOA), Salvador da Cruz iksu mai hasai tan fali ona ona karta sirkular foun ida ho númeru: 5453/RAEOA-TL/SRAF-DRA e RH/V/2026 ho Assuntu: Retira Karta Sirkular ho Númeru: 53/RAEOA-TL/SRAF-DRA e RH/V/2026 ne’ebé kontein inventa tiha loron Restasaun Independensia Timor-Leste ba dala 24 ba fali 28 Novembru ne’ebé loloos nu’udar Proklamasaun Independensia Timor-Leste nian.
Tuir Karta Sirkular foun ne’ebé The Oe-Kusi Post (TOP) asesu nafatin husu no informa ba funsionariu públiku hotu iha RAEOA tenke partisipa iha seremonia Loron Restaurasaun Independensia RDTL ba dala 24 iha loron 20 Maiu 2026, maibé konteudu karta sirkular foun ne’e laiha lia-fua ida ka fraze ida hato’o sira nia deskulpa ka nunka rekoñese sira nia sala.
Notisia relevante: Domingos Punef no Salvador da Cruz muda tiha 20 Maio ba fali 28 Novembru
Faktu hadudu momoos mosu sala boot iha Karta Sirkular dahuluk nian, maibé Diretór Rejionál ba Administrasaun no Rekursu Humanu, Domingos Punef hamutuk ho Serketariu Rejional Administrasaun no Finansa Rejiaun Administrasaun Espesial Oe-Kusi Ambeno (RAEOA), Salvador da Cruz ho fiar aan la hato’o rekoñesimentu sala ruma ba públiku.
Entre Domingos Punef no Salvador da Cruz ne’e sira hanoin katak, erru ne’ebé akontese iha Sirkular dahuluk ne’e hanesan buat baibain ida, buat normal ida ne’ebé taka de’it ho Sirkular daruak nian.
Sirkular ne’e oras ne’e sai viral tiha ona iha plata forma media sosial no hetan reasaun kontra maka’as husi netizen sira ne’ebé sente lamentavel tebes, tanba nu’udar funsionariu públiku, tuir loloos tenke rekorda didi’ak loron historiku sira iha Timor-Leste.
