Komemorasaun loron FALINTIL ba dala 45

DILI (TOP)- Selebrasaun Loron aniversário Falintil ba dala 45, loron ida ohin mak fó hanoin hikas fali ba Falintil sira ne'ebe sei moris,hodi kontinua meus  ba valores sira ne'ebe uluk Falintil sira husik hela ba kontinuador sira hotu, ba desenvolvimento  rai ida ne'e nia di'ak.

Tuir Presidente Repúlika Franciso Guteres Lú-Olo hatete, loron ida ohin, hanesan loron importante ba ema hotu, hodi fó hanoin hikas fali ba sira ne'ebe sei moris, hodi kontinua meus no valores sira ne'ebe Falintil sira husik hela iha rai ida ne'e,Tema selebrasaun Aniversáriu loron Falintil ba dala 45  ba tinan 2020 mak hanesan, ho espíritu Falintil nian, prontu atu servi  interese povo no ba rai doben ida ne'e.

" Liuhusi tema ida ne'e partikularmente  bolu ita idaidak atu refleta história ita Nia rai ida ne'e nian,durante luta ba libertasaun Nasional, valor sira ne'ebe Falintil sira husik hela ba ita mak servi onestu tebes ba ita hotu atu kore povo ida ne'e nia ki'ak no susar iha uma laran" Dehan Lu-Olo ba Jornalista sira iha hafoin hato'o nia diskursu ba selebrasaun Aniversáriu loron Falintil nian iha kuarter jeral FF-DTL Fatuhada Dili Kinta 20/08/2020.

Nia esplika, Falintil Nia naran rasik hatete, harii no liberdade nasaun ida ne'ebé ukupasaun husi ema Estranjeiru ho objetivu politiku atu manaan funu ho ema invazaun sira, klaru katak lá fasil atu atinji mehi ida ne'e, maibe liuhuis servisu hamutuk ho povo Timor leste, nune'e mak ema hotu dehan bebeik katak, Falintil mak sei fó inspirasaun no kbiit ba ema hotu atu la'o ba oin nafatin iha desenvolvimento Sosiál ba povo tomak nia moris hodi hametin fiar ba idaidak Nia aan rasik no ba nasaun tomak.

Durante Tinan 24 Falintil sira kore povo husi ema invazaun sira, to'o ohin loron ema hotu hetan liberadade no demokrasia hanesan konsiten hetan husi Falintil, enpartikularmente iha tinan 18 harii konselidu iha nasaun Timor Leste, ba direito demokratiku Tuir Konstiuisaun RDTL no Tuir orgaun estadu idaidak Nia kompetensia rasik.

"Prinsipiu ida ne'e mak ha'u kumpri duni,maski durante ne'e hamosu politika oioin,maibe ema hotu sei tau konfiansa nafatin ba obra estadu nian, ho ida ne'e, ita orgulho tebes ba asuwain Timor leste no Veteranos sira hotu iha loron ohin nian hamutuk iha fatin ida ne'e hodi hanoin fila hikas erois sira ne'ebe uluk mate ba rai ida ne'e". Afirma Lú-Olo

Sidadaun hotu hotu iha rai ida ne'e idaidak ho nia direitu, maibe ema idaidak tenke iha mos responsabilidade ba liberdade ba ema hotu nia vida no nasaun ida ne'e nia di'ak, politika ida ne'e mak bele afirma história Falintil nian ne'ebe iha passadu kore povo ida ne'e husi terus no susar to'o hetan liberdade.

"Iha fatin ida ne'e ha'u sei repete tan Katak, ha'u sei hala'o ha'u Nia funsaun hotu-hotu,nune'e hotu tenke hakruk ba Konstiuisaun RDTL nia okos, hanesan Komendante Forsa armadas nian,hakarak afirma mós katak, iha artigu 87 alinha D hatete katak, Konstiuisaun RDTL fó kompetensia ba presidente Repulika servisu konaba akordu Internasional sira iha área Defeza no seguransa, liuhusi akordu sira ne'e,ita tau atensaun masimu ba atividade sira ne'ebe ministério defeza objetivo atu apoia forsa Defeza no seguransa hodi bele kontribui ba estadu ida ne'e" dehan Lú-Olo.

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE

Online Counter