Xanana kontinua simu bua-malus husi uma lulik 5 iha Manufahi

Kay Rala Xanana Gusmão tun husi uma lulik Lusi Cornel (Betano), Manufahi Domingu 12 Jullu 2020. Foto The Oe-Kusi Post/Raimundos Oki.

MANUFAHI – Prezensa eis Komandante em Chefe das FALINTIL, Kay Rala Xanana Gusmão iha munisipiu Manufahi la’os halo de’it asaun karitativa ba familia kbi’it la’ek sira, maibé vizita mós uma lulik balun ne’ebé eziste iha munisipiu ne’e.

Iha Sesta kalan 10 Jullu 2020, Xanana vizita uma Lisan Asae iha Suku Manutasi, Ainaro. Vizita Xanana nian iha uma lulik ne’e kuaje han oras lubuk ida. Liu tiha ida ne’e bainhira to’o iha munisipiu Manufahi mós Xanana kontinua vizita uma lulik sira no simu bua-malus.

Uma lulik sira ne’ebé Xanana vizita no simu bua-malus iha munisipiu Manufahi mak hanesan iha uma lulik Lusi Cornel (Betano), uma lulik ida iha suku Babulo, ida iha aldeia Turon, no uma lulik Fusu Mauloe ho Boeloko iha foho Kablaki nia hun.

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE