Governu TL husu atu sai membru plenu OMK iha 30 Agusto 2024

GENEBRA (TOP)Governu Timor – Leste liu husi Vise – Primeiru – Ministru no Ministru Koordenador ba Assuntu Ekonómiku, Ministru Turizmu no Ambiente Francisco Kalbuadi Lay hato’o ona pedidu ba Organizasaun Mundial ba Komersiu atu Timor – Leste bele sai membru plenu ba organizasaun ne’e iha loron 30 Agustu 2024.

Vise – Primeiru – Ministru no Ministru Koordenador ba Assuntu Ekonómiku, Ministru Turizmu no Ambiente Francisco Kalbuadi Lay durante nia diskursu iha sesaun Reuniaun Konsellu Jeral OMK nian iha Genebra nia esplika ba nasaun membru tomak OMK nian katak, rajaun governu Timor – Leste husu atu sai membru plenu iha loron ne’ebé temin ona, tanba loron 30 Agustu ne’e nu’udar loron istoriku ida ba Timor – Leste. Loron ne’e mak loron aniversariu Konsulta Popular ba XXV (30 Agostu 1999 – 30 Agustu 2024).

Vise – Primeiru – Ministru no Ministru Koordenador ba Assuntu Ekonómiku, Ministru Turizmu no Ambiente Francisco Kalbuadi Lay entrega Protokolu adezaun no instrumentu aseitasaun ba subsídiu peskas ba Diretora Jeral Organizasaun Mundial ba Komersiu (OMK) Ngozi Okonjo-Iweala iha Kuartel Jeral OMK iha Genebra – Suiça iha loron Segunda, 22 Jullu 2024.

“Ami husu atu sai membru ofisiál OMK nian iha loron 30 fulan-agostu tinan 2024. Loron ida-ne'e iha signifikante tebes ba ami, tanba ida-ne'e marka loron ne'ebé povu Timor-Leste determina futuru nasaun nian. Ami hein katak iha loron 30 fulan-agostu oin mai, povu Timor-Leste sei selebra la'ós de'it ita-nia Loron Konsulta Popular, maibé mós selebra momentu istóriku seluk tan bainhira ami tama ofisialmente iha família OMK.”

The Oekusi Post
Author: The Oekusi PostWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
www.OeKusiPost.com nu’udar plataforma media online iha Oe-Kusi Ambeno, Timor-Leste ne’ebé aprezenta notísia iha área oioin iha teritóriu nasionál. Rua. Numbei, Oe-Kusi Ambeno Mobile: +670 7723 4114 Email: info (at) OeKusiPost.com

Online Counter