BANGKOK (TOP) – Sorteiu ofisial husi kompetisaun boot Futebol Sudeste Aziatiku, AFF Mitsubishi Electric Cup 2022 termina ona iha loron Tersa 30 Agustu 2022 iha Bangkok, Tailândia ne’ebé loke dalan vitoria ba partisipante ekipa 10.
Atual kampeaun Tailândia sei hasoru runner-up edisaun 2020 Indonézia iha grupu A. Ekipa rua ne’e hasoru malu ikus liu iha torneiu final 2020. Filipina, Cambodia ho vensedor jogu preliminatória entre Brunei Darussalam ho Timor-Leste sei hamutuk iha grupu A. Jogu pre-liminatória sei realiza iha 5 no 15 Novembru.
Kampeaun iha tinan 2018, Vietnã sei hasoru Malázia nu’udar kampeaun iha tinan 2010, kampeaun ba dala ha’at (4) Singapura, Mianmar no Laos iha grupu B. Ho tempu menus husi fulan ha’at molok torneiu hahu, ASEAN Football Federation (AFF) ka Federasaun Futebol ASEAN mós anunsia katak, AFF Mitsubishi Electric Cup 2022 sei hahu iha loron 20 Dezembru 2022 to’o remata iha loron 16 Janeiru 2023 ne’ebé hala’o iha sidade 10 ASEAN nian ho full home-and-away format.
Prezidente AFF, Major-General Khiev Smaeth dehan;” Ami kontente tebes tanba bele finaliza ona data AFF Mitsubishi Electric Cup 2022 no agrupamentu ofisial ba ekipa hotu. Fans ASEAN nian kontente tebes hein hela rezultadu sorteiu ne’e ho konfrontu emosionante iha grupu ida-idak. Ita iha hela torneiu ida emosionante no kompetitivu. Ha’u fiar katak AFF Mitsubishi Electric Cup 2022 sei hakat liu expatitiva oioin tantu iha kampu laran no iha liur no hatudu nu’udar edisaun di’ak liu.”
Seremonia sorteiu ofisial ne’e hala’o ona iha Shangri-La Bangkok, Tailândia ne’ebé lidera husi Prezidente AFF, Major-Jeneral, Khiev Sameth no Vise-Prezidente AFF no Prezidente Komite Kompetisaun AFF, Dato’ Sri Francisco Kalbuadi Lay iha reprezentante membru federasaun oioin, ekipa partisipante, patrosinador ho parseiru transmisaun sira nia oin.
Prezidente Federasaun Futebol Tailândia, Jeneral Polisia Somyot Poompanmoung hateten, kontente tebes sai nu’udar uma-nain ba seremonia dada sorteiu ne’e iha Bangkok.
“Ami kontente sai nu’udar uma-nain ba dada sorteriu ofisial iha Bangkok no inisia kontazen regresiva ba era foun futebol ASEAN. Edisaun 2020 sai nu’udar edisaun ida susesu tebes ba ekipa nasionál Tailândia, no espera katak, ami bele kontinua defende titulu ne’e iha tinan ida ne’e nia rohan.”
Nune’e mós treinador futebol ekipa nasionál Tailândia, Alexandré Pölking fiar katak, formatu AFF Mitsubishi Electric Cup 2022 sei sai di’ak liu ba fans sira hotu.
Ekipa ida-idak sei halo jogu rua hanesan uma nain, no jogu rua seluk hanesan uma nain iha faze grupu iha dia partida ka matchday iha kada grupu. Format ida ne’e implementa iha edisaun tinan 2020 ne’ebé realiza iha entre fim do ano 2021 no inisiu 2022 maibé, realizasaun implementasaun sentralmente iha Singapura, tanba afeita husi Covid-19.
Vensedor no runner-up iha direitu hakat ba iha faze knock-out ne’ebé sei uja formatu home and away sem regra de golu fora.
Prosesu sorteiu AFF Mitsubishi Electric Cup 2022 ne’ebé realiza iha Tersa 30 Agustu 2022 sei fó sai iha nasaun sira ne’ebé iha direitu ba transmisaun mak Indonézia, Timor-Leste, Filipina, Vietnam, Laos, Cambodia, no Myanmar.
Kopa AFF 2022 ne’e fahe ba grupu rua ho kada grupu kontein ekipa lima. Ekipa di’ak ha’at (4) sei avansa ba semi-final. Selesaun nasionál Timor-Leste nian pote ida ho Laos no Brunai Darussalam. Indonézia nian hamutuk ho Malazia.
Dada sorteiu Kopa Mitsubishi Electric AFF 2022 ne’e kompostu husi pote lima. Kada pote kontein ekipa rua. Pote dahuluk okupa husi Thailandia no Vietnam. Pote datolu okupa husi Singapura no Filipa, pote dahat nian mak Myanmar no Cambodia, no pote dalima nian mak Laos ho vensedor pre-eliminatoria.
Pote 1: Thailand, Vietnam
Pote 2: Malaysia, Timnas Indonesia
Pote 3: Singapura, Filipina
Pote 4: Myanmar, Kamboja
Pote 5: Laos, Brunei Darussalam/Timor Leste
Rezultadu divizaun grupu AFF Mitsubishi Electric Cup 2022:
Grupu A
- Tailândia
- Indonésia
- Filipina
- Camboja
- Vensedor play-off (Timor Leste x Brunei Darussalam
Grupu B
- Vietnamita
- Malásia
- Singapura
- Mianmar
- Laos
Kalendáriu jogu AFF Mitsubishi Electric Cup 2022
23 Dezembru 2022 (Grupu A)
- Kamboja vs Filipina
- Timor Leste/Brunei Darussalam vs Thailand
24 Dezembru 2022 (Grupu B)
- Myanmar vs Malázia
- Laos vs Vietnam
26 Dezembru 2022 (Grupu A)
- Filipina vs Timor-Leste/Brunei Darussalam
- Indonézia vs Cambodia
27 Dezembru 2022 (Grupu B)
- Malázia vs Laos
- Malázia vs Singapura
29 Dezembru 2022 (Grupu A)
- Timor-Leste/Brunei Darussalam vs ekipa nasionál Indonézia
- Tailândia vs Filipna
30 Dezembru 2022 (Grupu B)
- Laos vs Singapura
- Myanmar vs Laos
1 Janeiru 2023 (Grupu A)
- Ekipa nasionál Indonézia vs Tailândia
- Cambodia vs Timor-Leste/Brunei Darussalam
2 Janeiru 2023 (Grupu B)
- Singapura vs Vietnam
- Myanmar vs Laos
4 Janeiru 2023 (Grupu A)
- Tialândia vs Cambodia
- Filipina vs ekipa nasionál Indonézia
5 Janeiru 2023 (Grupu B)
- Vietnam vs Myanmar
- Malázia vs Singapura
Seminal no Final
- 7 Janeiru 2023
- 10 Janeiru 2023
Final:
- 12 janeiru 2023
- 15 Janeiru 2023
