Karta ida ba MNEK Adalzija Albertina Xavier Reis Magno



                                                                                                                     09 Fevreiru, 2021

 

Hato’o ba      : S.E Senhora Dra. Adalzija Albertina Xavier Reis Magno

Ministra Negosiu Estranjeriu no Kooperasaun Repulika Demokratiku Timor-Leste

Cc                    : Encaregado Negocio

                       : Embaixada RDTL iha Jakarta

Asuntu           : Pedidu Lori fila Sidadaun Timor-Leste, Bergilio Agusto Foni, iha Jakarta mai Timor-Leste

Excellencia Sra. Ministra,

Ho Respeitu tomak ami husi Familia Sr. Bergilio Agusto Foni, ne’ebe agora dadauk iha Kapital Jakarta, hakarak hato’o pedidu ida ne’e ba Excellencia Sra. Ministra, hodi husi tulun ba Governu, liu-husi MNEK atu lori fila ami-nia oan mai Timor-Leste. Ami hakarak hato’o kronolojia katak Ami-nia oan sai husi Timor-Leste iha tinan 2010, ho ema Indonezia ida, ne’ebe habosok nia katak atu ba serbisu iha Provinsia Borneo (Kalimantan). Sira sai illegalmente liuhusi fronteira Mota-ain, la lori dokumentus viajen ruma, no ami familia mos la hatene, derepenti deit nia lakon husi ami-nia leet, husik hela nia Feen no Oan mane ida. Durante tinan barak nia laran, ami la iha konktatu, no la hatene tuir ninia paradeiru, nia mos nunka kontaktu ami. Ho graca Maromak nian, iha semana hirak liu ba, ami hetan husi Facebook katak ami-nia oan agora dadauk iha Jakarta, ho kondisaun moras mental (bulak).

Ami halo ona kontaktu ho ema sidadaun Indonezia ne’ebe agora dadauk akomoda hela nia iha ninia fatin, no nia husu urjentemente atu lori fila, tamba lor-loron nia sempre la hakmatek iha uma, no halo barulho iha fatin refere. Ami familia la iha kbi’it atu mobiliza ami-nia oan husi Jakarta mai Timor-Leste. Ho ida ne’e, ami ho hakraik-an hato’o pedidu ida ne’e ba Excellencia Sra. Ministra hodi lori fila ami-nia mai Timor-Leste. Ami-nia oan nia identidade kompletu mak hanesan tuir mai ne’e:

Naran                          : Bergilio Augusto Foni

Nu. Cartao Eleitoral   : 0588210

Data Moris                  : 18 Marsu, 1983

Fatin Moris                 : Suku, Naimeco, Postu Administrativu Pante Makasar, RAEOA

Enderesu iha Jakarta mak hanesan tuir mai ne’e.

Jl kh usman nno 101 rt 6 rw 4..kelurahan kukusan – Depok, Jakarta

Numeru kontaktu +6289638330933, +6281219448543

Mak ne’e deit ami-nia lia-fuan agradasementu no ba Excellencia Sra. Ministra nia atensaun no kolaborasaun diak, Ami Familia la haluha hato’o obrigado wa’in.

Ami-nia Komprimentus,

Ajito Foni

Familia 

  

PUBLISIDADE