Klinika Madre Cecilia dos Santos sei benefisia abitante nain 6000

MEMO (TOP) – Eis Primeiru-Ministru, Kay Rala Xanana Gusmão no Bispo Diocese Maliana inagura ona klinika Madre Cecilia dos Santos iha suku Memo, postu Maliana, munisipiu Bobonaro ne’ebé sei fó atendimentu saúde ba abitante nain 6000.

Madre Superior Reparadoras Nossa Senora de Fátima, Adelaide Afonso katak, istorikamente Madre Reparadoras tama iha Timor-Leste iha tinan 13 Outubru 2013.

“Ohin kongresaun ida ne’e iha gratidaun boot ba objetivu ne’ebe atinje ona, liliu ba bensaun ida ne’ebé ba ema Memo hotu. Ohin nu’udar loron grasa saude nian ne’ebe simu husi Maromak,” hateten madre Adelaide liu husi nia diskursu iha seremónia inagurasaun, Memo, Maliana Sábadu 25 Jullu 2020.

“Ami agradese ba ema hotu, ba sira ne’ebé kontribui direita no indireita. Lahahulan mós sira seluk nia kontribuisaun ba obra ida ne’e.

 Agradese mós ba Bispo Diocese Maliana, Dom Noberto do Amaral ho Nuncia Apostolika iha Timor-Leste ba nia kontribuisaun”.  Kay Rala Xanana Gusmão ho Diretora Jeral Ministériu Saúde, Odete da Silva Vies ko'a hela fita Klinika madre Cecilia dos Santos iha suku Memo, postu Maliana, munisipiu Bobonaro, Sábadu 25 Jullu 2020. Foto The Oe-Kusi Post/Raimundos Oki.   

Madre sira mós hato’o agradese ba kontribuisaun Kay Rala Xanana Gusmão nian ba obra ne’e, tanba obra ne’e mós hetan kontribuisaun finanseiru husi Ajensia Nasionál ba Dezenvolvimentu iha Kay Rala Xanana Gusmão nia mandate nu’udar Primeiru-Ministru.

Entretantu, Diretora Jeral Ministériu Saúde, Odete da Silva Viegas katak, suku Memo kompostu husi aldeia 4 ho nia total abitante mak 6000 husi uma kain 400 resin.

“Ho númeru abitantes ne’e sei kobre husi klinika ne’ebe ohin foin inagura. Klinika ida ne’e sei fo liuba inan-isin rua, labarik sira ne’ebé foin moris sei hetan kedas injesaun,” esplika diretora Odete.

Nia hatutan, klinika ne’e sei la atende de’it inan isin-rua sira, maibé sei atende mós ferik-katuas sira, no sidadaun hotu iha suku Memo.

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE