COVID-19: Estudante no Mestre Sira Sei Asesu Internet Gratuita

Palásiu Governu

Oekusipost.com Dili – Estudante ho mestre sira iha rai-laran sei asesu liña internet gratuita hodi fasilita sira nia prosesu aprendizajen durante Estadu emerjénsia nia laran.

Rezultadu reuniaun Konsellu Ministru sira ne’ebé lidera husi Primeiru-Ministru, Taur Matan Ruak iha loron Kuarta 8 Abril 2020 iha Sentru Konvensaun Dili, iha aprezensaun ida husi Ministru Koordenador ba Assuntu Ekonómiku iha ezersísiu, Fidelis Manuel Leite Magalhães kona-bá subsidia internet gratuita ba estudante ho mestre sira iha rai-laran durante periodu Estadu emerjénsia. 

“Área datolu ba atuasaun garante fornesimentu ba serbisu komunikasaun nian, mak hanesan governu sei subsidia asesu internet ba estudante sira ba estudante no profesor sira,” esplika komunikadu ba imprensa ne’ebé Oe-Kusi Post asesu iha Sentru Konvensaun Dili, Kuarta 8 Abril 2020.

Aprezentasaun ne’e mós iha área daruak nian kona-bá distribuisaun ba sasan esensial sira, espesial liu ba ai-han, ai-moruk no ekipamentu ba klínika sira nian, liuhusi partisipasaun hamutuk.

Área dahat nian, ba medida alíviu fiskál, hanesan adiamentu ka suspensaun temporária orbigasaun fiskais ho forma hamenus todan ba empreza no konsumidór sira no fornese mó lekuidez ba empreza sira. Dalima nian kona-bá atuasaun, serbisu utilidade públiku hanesan suspensaun pagamentu ba enerjia eletrisidade no bee moos.  

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE