DILI (TOP) – Notisia The Oe-Kusi Post (TOP) edisaun 26 Janeiru 2021 ho titilu Xanana parabeniza eis padre RD iha paragrafu ida katak , eis Primeiru-Ministru Kay Rala Xanana Gusmão antes ne’e sai nu’udar sasin ba padre RD nia kazu bainhira julga iha Tribunal Distrital Dili tinan kotuk, 2020 ne’e la loos.
Loloos maka “Eis Primeiru-Ministru Kay Rala Xanana Gusmão sai nu’udar sasin ba kazu Arkidiozese Dili nian relasiona ho providénsia kautelar kona-ba relatóriu hosi Komisaun Justisa no Paz. To’o ohin loron eis-Padre Daschbasch seidauk hetan julgamentu hosi tribunál, maibé iha akuzasaun formál ba abuzu seksuál hasoru menoridade no pornografia labarik,” pedidu retifikasaun husi JU,S Jurídico Social e Consultoria Lda ne’ebé hato’o ba redasaun TOP, Kuarta 27 Janeiru 2021.
Ba fallansu ne’e redasaun hadia ona no husu deskulpa ba públiku.
