DILI (TOP) - Autoridade Nacional do Petróleo anunsia katak, konklui ona revizaun ba Planu Dezenvolvimentu Kampu (PDK) ba kampu Kuda Tasi no Jahal, ne’ebé submete husi Finder Timor- Leste B.V. (“Finder”, operadór husi PSC TL-SO-T 19-11) ho nia parseiru joint venture, TIM GSCOR-T 1916 Universal Universal Limitada.
Tuir Komunikadu ba Imprensa ne’ebé The Oe-Kusi Post (TOP) asesu, bainhira simu tiha PDK, ANP hala’o revizaun no enkontru lubuk ida atu nune’e bele verifika ninia kumprimentu ba PSC no lei no regulamentu ne’ebé aplikavel, no atu garante benefísiu másimu ba estadu Timor-Leste.
Tuir loloos, Finder atualiza no hatama fali versaun revizaun oioin hosi Field Development Plan, ho versaun datoluk no ikus liu ne'ebé hatama iha loron 24 fulan-Juñu tinan 2026.
Bazeia ba ninia avaliasaun tékniku, komersiál, operasionál no regulatóriu kompriensivu kona-ba PDK, ANP fiar katak konseitu dezenvolvimentu ne’ebé hili fornese enkuadramentu ida ne’ebé apropriadu atu dezenvolve kampu Kuda-Tasi no Jahal.
PDK hatudu katak proposta instalasaun sira, estratéjia produsaun, aprosimasaun ba jestaun rezervatóriu, planu ezekusaun projetu no sistema jestaun saúde, seguransa no ambiente (HSE) dezenvolve ona tuir prátika sira ne'ebé jeralmente aseita iha indústria petrolífera no bele apoia dezenvolvimentu seguru no efisiente ba rekursu petrolíferu sira, bainhira iha kondisaun sira no kompromisu sira ne'ebé hakerek iha dokumentasaun ne'ebé aprova ona kumpre.
Durante prosesu revizaun tomak, ANP avalia ona, entre item relevante sira seluk, viabilidade téknika hosi konseitu dezenvolvimentu selesionadu, antisipada rekuperasaun rekursu no fasilidade produsaun, ekonomia projetu, konsiderasaun ambientál no sosiál, kompromisu konteúdu lokál, estratéjia aprovizionamentu no Finder nia kumprimentu ba lejislasaun aplikavel petrolíferu no obrigasaun kontratu fahe produsaun.
Avaliasaun ne'e konsidera kompromisu sira atu hetan aprovasaun estatutária nesesáriu hotu-hotu no implementa projetu tuir lei sira ne'ebé aplikavel, regulamentu sira, obrigasaun sira kontratu fahe produsaun nian no padraun sira indústria nian ne'ebé rekoñesidu internasionalmente.
Tuir loloos, ANP konsidera katak PDK atende ona ho satisfatóriu rekizitu tékniku, komersiál no regulatóriu sira ne’ebé nesesáriu hodi avansa ba faze dezenvolvimentu. Bazeia ba ida-ne’e, ANP aprova ona PDK ba PSC TL-SO-T 19-11, naran katak kondisaun no kompromisu sira ne’ebé hatuur iha planu ne’e kumpre no kumpri obrigasaun legál, ambientál, seguransa no regulatóriu hotu-hotu ne’ebé aplikavel durante ezekusaun projetu nian tomak.
Haree ba buat sira iha leten, ANP nia aprovasaun sei permite operadr atu kontinua ho implementaYon ba atividade dezenvolvimentu sira neeb propoin enkuantu mantein sujeitu ba ANP nia fiskalizasaun no monitorizasaun regulatriu neeb lao daudaun. Aprovasaun ba FDP Kuda Tasi no Jahal nian destaka kolaborasaun ne’ebé forte no produtivu entre ANP, Finder no TIMOR GAP.
Aleinde ne’e, parseria ne’e garante katak atividade petrolífera sira iha Timor-Leste nia jurisdisaun hala’o ho kumprimentu legál tomak, enkuantu maximiza benefísiu komersiál no sosioekonómiku nasaun nian.
