DILI (TOP) – Tribunal Supremu Justisa (TSJ) dada sorteiu ba kandidatu Prezidente Republika periodu 2022-2027 na'in 16, jeneral reformadu Lere Anan Timur konfirmadu iha numeru sorteiu 8 no kandidatu hosi partidu FRETILIN Francisco Guterres Lú Olo tu'ur metin iha númeru sorteiu 6.
Kandidatu hirak ne'ebe admitidu iha prosesu verifikasaun hamutuk na'in 16 mak, Isabel da Costa Ferreira (1), Hermes da Rosa Correia Barros (2), Maria Ângela Freitas da Silva (3), Rogério Lobato (4), Anacleto Bento Pereira (5), Francisco Guterres Lú Olo (6), Maria Helena Lopes de Jesus Pires (7), Lere Anan Timur (8), Armanda Berta dos Santos (9), Antero Benedito da Silva (10), Constâncio Pinto (11), Virgílio Guterres (12), Martinho Gusmão (13), José Ramos Horta (14), Felisberto Araújo Duarte (15), no Mariano Assanami Sabino iha numeru sorteiu ikus liu (16).
Kandidatu hanesan, Ancleto Ferreira hetan numeiru sorteu (5), Ángela Freitas hetan numeiru sorteu (3), Anterio Bendito hetan numeiru sorteu (10), Armanda Berta dos Santos hetan numeiru sorteu (9) ,Costancio (11) Pinto, Felizberto de Araújo Duarte hetan númeru sorteu ( 15), Francisco Guterres Lú Olo, hetan numeiru sorteu (6), Hermes, da Rosa Barros, hetan numeiru sorteu (2), Isabel Ferreira, hetan numeiru sorteu (1), José Ramos, (14) Milena Pires ,hetan numeiru sorteu, (7), Martinho Gusmão, hetan numeiru sorteu (13) Mariano Sabino, hetan numeiru sorteu (16), Tito da Costa Cristovão Lere Anan Timur, hetan numeiru sorteu (8) no kandidatu Prezidente Repúblika Virgilio Guterres, hetan sorteu (12).Rogeiro Lobato numeiru sorteu (4).
Enkuantu, antes dada sorteiu ba kandidatu hirak ne'e prezidente supremu justisa afirma, antes ne'e iha kandidatu na'in 17 maibé, indefere tiha kandidatu na'in ida tanba la prienxe rekizitu balun, nune'e halo sorteiu de'it ba kandidatu na'in 16 ne'ebé mak tribunal supremu justisa halo verifikasaun no admitidu hodi konkorre iha eleisaun prezidensial.
"Horisehik kandidatu ida ita indefere tiha, nune'e horisehik kedas ita hasai lista definitiva ba kandidatu admitidu sira tanba ne'e mak agora daudaun ita hala'o ka dada numeru sorteiu ba sira," deklara Prezidente Tribunal Rekursu, Deolindo dos Santos antes dada sorteiu ba kandidatu PR iha sala Tribunal Rekursu, Kaikoli-Dili, Kinta 17 Fevereiru 2022.
Ho nune'e, husu parte hotu liuliu kandidatu sira atu nafatin kontribui ba baze legal ne'ebe iha no parte tribunal supremu justisa mos sei komunika ho STAE inklui CNE hodi loke prosesu ba produs buletin votu.
"Ba kandidatu sira hotu ne'ebe mak ohin hetan ona numeru sorteiu, ninia prosesu (dada sorteiu) mak ne'e, susesu ba ita bo'ot sira hotu. Iha eleisaun prosesu ba primeira faze mak ida ne'e (rejistu kandidatu no dada sorteiu), apuramentu final ninia rezultadu mak sei mai (fo sai rezultadu eleisaun final sei fila hikas ba tribunal rekursu mak halo anunsiu)," fundamenta Deolindo dos Santos.
