Membru CCF nunka rende husi 1975-1999 ida de’it ona

AMBENO (TOP) – Membru Comite Central da FRETILIN (CCF) ne’ebé nunka rende to’o funu remata hela nain ida de’it ona maka eis komandante em xefe das FALINTIL, Kay Rala Xanana Gusmão.

“Má-Hunu Bulerek Karatayno, hamutuk ho ha’u, maka Sobreviventes husi Comité Central FRETILIN, husi kedas tinan 1980, ne’ebé Reorganiza fali Resistênsia Armada, iha I Konferênsia Nasional, ne’ebé hala’o iha Marsu tinan 1981, iha Laline,” hateten Xanana ba jornalista sira iha Oe-Bau, Oe-Kusi Ambeno, Sesta, 24 Setembru 2021.

Xanana hatutan, iha ona konferênsia ne’e, maka sira na’in-rua orienta kuadru sira ne’ebé partisipa iha ne’ebá, hodi eleje fali membrus Komité Sentral FRETILIN (CCF) foun, hanesan Nino Konis Santana, Bere Malay Laka no selu-seluk tan, ne’ebé mate iha funu laran no balun iha kedas fulan Setembro tinan 1981, iha Operasi Kikis, ne’ebé inimigu hala’o iha Rejiaun Sentral.

Xanana dehan, Lere Anan Timur mós eleitu hanesan membro CCF no sai Komisáriu Polítiku iha Rejiaun Haksolok/Fronteira Sul. Iha ona 1984, mak sai husi kuadru polítiku no assume kargu hanesan Komandante.

“Ohin loron, membru CCF husi jerasaun 1981, maka hela de’it ona Komandante Lere. Husi fali jerasaun CCF 1975, ne’ebé la rende no sei moris, maka ami na’in rua Má-Hunu ho ha’u. Maibé, ohin, Má-Hunu liu tiha ona,” Xanana konta.

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE

Online Counter