Oekusipost.com Maubisse – Movimentu no atividade sira iha merkadu Maubisse, Ainaro kontinua la’o hanesan tempo normal, tanba maioria komunidade sira iha postu ne’e seidauk iha informasaun klean kona-bá risku pandemia Novel Coronavirus Disease 2019 (CorVid-19).
Prezidente Repúblika anunsia ona Estadu emerjénsia, no governu mós hasai ona dekretu ida ba implementasaun medida sira durante periodu Estadu emerjénsia, maibé atividade sira iha merkadu Maubisse iha loron Domingo 29 Marsu 2020 laiha diferensia ho loron Domingo sira seluk, tanba negosiante sira kontinua fa’an sira nia sasan iha merkadu ne’e.
Kona-bá situasaun ne’e, Xefe Suku Maubisse, Wilson Nívio Mendonça katak, tuir loloos autoridade seguransa sira tenke implementa ona dekretu governu ne’ebé aprova ona iha reuniaun Konsellu Ministru extraordinariu iha loron Sabádu 28 Marsu liuba.
“Ami xefe suku sira bele halo koordenasaun maibé, ami mós iha limitasaun, tanba tuir informasaun ne’ebé ita hotu asesu katak so PNTL, F-FDT, médiko no jornalista sira mak halo movimentu,” hatete xefe suku Nívio ba kontributor Oe-Kusi Post iha Maubisse, Domingo 29 Marsu 2020.
Entretantu, igreja universal liu husi orden Amu Papa Francisco nian ba Amu Bispu sira atu limita sarani sira, no taka provizoriu misa iha igreja sira, inklui misa paskua tinan ida ne’e taka ba sarani sira, maibé bele akompaña liu husi televizaun no radio de’it hodi evita propagasaun pandemia CorVid-19. Ho nune’e, sarani sira iha Parokia Maubisse mós la ba misa iha loron ne’e, maibé atividade iha merkadu kontinua la’o hanesan baibain maske ema balun mós hahu la sai ona husi sira nia uma.
Padre Paroku Maubisse, Pe. Feliciano Barreto Rodriques Soares esplika ba komunidade sira iha Aldeia Koulala, Maubisse villa katak, rajaun taka misa no la halo missa iha loron babain no Domingo, tanba moras virus corona ne’ebé afeta mundu inklui Timor-Leste
