SINGAPURA (TOP) - Prezidente Repúblika Sosialista Vietnam, Tô Lâm hateten, dezafiu sira ne'ebé mak mundu hasoru, inklui erozaun husi regra no lei internasionál sira, krizi ida iha modelu sira dezenvolvimentu nian ne'ebé mak karakteriza husi kreximentu ne'ebé neneik no mudansa klimátiku sira, no krize ida konfiansa nian entre nasaun sira.
“Mundu hasoru risku oioin no inserteza ne'ebé nasaun sira tenke hasoru ho klaru,” hateten Tô Lâm liu husi nia diskursu abertura Diálogu Shangri-La ba dala 23 iha Singapura iha Sesta kalan, 29 Maiu 2026.
Prezidente Vietnam ne’e hatete iha nia diskursu prinsipál dezafiu sira ne'ebé mundu hasoru inklui erozaun husi regra no lei internasionál sira, krize ida husi modelu dezenvolvimentu sira hanesan kreximentu ne'ebé neineik no mudansa klimátika, no krize ida hosi konfiansa entre nasaun sira.
"Krize tolu ne'ebé hasoru ita-nia mundu ohin loron la'ós realidade inevitavel sira ne'ebé ita tenke simu", Lam hatete, hodi husu atu reforsa lei internasionál, estabelese motor sira kreximentu inkluzivu no sustentável nian, nune'e mós hahú diálogu no transparénsia.
Instala nu'udar prezidente iha fulan kotuk aleinde nia knaar nu'udar xefe Partidu Komunista, Lam maka líder vietnamita ne'ebé maka'as liu iha dékada barak nia laran no nia mandatu konjuntu permite nia atu hala'o papél diplomátiku ne'ebé maka proeminente liu.
Diálogu Shangri-La, eventu anuál ida iha Singapura ne'ebé hala'o to'o Domingu, halibur ministru defeza sira, jenerál sira, xefe intelijénsia sira, diplomata sira, analista sira no fabrikante arma sira.
Sekretáriu Defeza EUA nian, Pete Hegseth, ho omólogu sira husi Austrália, Inglaterra, Fransa, Japaun, no nasaun sira seluk iha audiénsia. Auzente notável ida mak Dong Jun husi Xina, ne'ebé mak la partisipa iha eventu ne'e ba tinan daruak tuituir malu.
Ministru Defeza Australia, Richard Marles, hatete katak prezensa ki'ik husi Xina iha enkontru ne'e - Pekin haruka de'it peritu sira no matenek-na'in sira husi Ezérsitu Libertasaun Populár nian - hanesan oportunidade ida ne'ebé lakon hodi envolve ho nasaun sira hosi mundu tomak.
