DILI (TOP) – Deskonfia membru Polisia Nasionál Timor-Leste (PNTL) husi Corpo Segurança Pessoal (CSP) ida mate iha hotel laran.
Informasaun ne’ebé iha katak, membru CSP ne’e mai husi munisipiu Bobonaro hahu tama ba deskansa iha hotel Longxien besik Loza Funan Buras iha area Delta II, Postu Administratviu Don Aleixo, Munisipiu Dili iha loron Kuarta 25 Maiu 2022 mais-menus iha horas tuku 12 meudia ho sidadaun feto ida, no ikus mai sidadaun ho naran inisial SB ne’e iis kotu iha hotel laran ohin lorokraik ne’ebé hatoba de’it iha azuleiju leten, no tau hela sumasu mutin ida iha nia ulun.
Hafoin akontesimentu ne’e, parte PNTL husi eskuandra postu administratviu Don Aleixo to’o kedas iha fatin akontesimentu no parte forensik mós evakua ona mate-isin ne’e ba Hospital Nasionál Guido Valadares hodi halo prosesu autopsia.
To’o oras ne’e parte komandu jeral PNTL seidauk hato’o deklarasaun ruma kona-ba kestaun ne’e.
