JAKARTA (TOP) - Adidu Defeza Timor-Leste iha Jakarta-Indonézia, Koronel Renilde Guterres Corte Real e Silva , akompaña husi Adjuntu Adidu Defeza 2° Tenente Fuzieliros, João da Silva Soares partisipa iha serimónia enseramentu Latsarmil Komcad ASN Kementerian/Lembaga Tinan 2026 hanesan observadór no reprezentante ofisial husi F-FDTL no Ministériu Defeza Timor-Leste, iha baze Forsa Aero (TNI), Halim PerdanaKusuma, Jakarta Timur iha loron 5 Juñu 2026.
Tuir informasaun ne’ebé The Oe-Kusi Post (TOP) asesu husi Ekipa Media F-FDTL katak, atapa dahuluk husi formasaun ASN Komcad 2026 ba ministériu no instituisaun sira Indonesia nian ne’e, ofisialmente taka husi Ministru Reforma Administrativa no Burokrátika (PANRB) Sra. Rini Widyantini, no hetan partisipasaun husi Vise-Ministru Defeza Indonesia Sr. Donny Ermawan Taufanto, nomós funsionáriu sira husi ministériu no instituisaun sira, Forsa Armada Nasionál Indonézia (TNI), PolÃsia Nasionál Indonézia (Polri), no Adidu Defeza husi Nasaun belun sira inklui mós Timor-Leste.
Partisipante hamutuk 1,758 maka tuir serimónia enseramentu ne’e, hodi marka finál ba dezenvolvimentu karakter, dixiplina, no espÃritu programa defeza Nasionál nian.
Ministru Reforma Administrativa no Burokrátika (MenpanRB) subliña katak valór sira disiplina, integridade, responsabilidade, kooperasaun, no reziliénsia ne'ebé hetan durante formasaun ne'e krusiál ba ASN hodi fornese servisu públiku sira ne'ebé profisionál, adaptativu, no orientadu ba komunidade, enkuantu simultaneamente hametin birokrasia ida ho integridade no reziliénsia Nasionál.
Partisipasaun iha eventu ne’e fó oportunidade ba Adidu Defeza Timor-Leste atu Komprende modelu dezenvolvimentu Komponen Cadangan Indonézia, observa direita prosesu integrasaun entre setór sivÃl no militár iha apoiu ba Defeza Nasionál, Hametin relasaun kooperasaun entre Ministériu Defeza Timor-Leste ho Kementerian Pertahanan Republik Indonesia, no Identifika oportunidade kooperasaun futuru iha área edukasaun militár, formasaun rekursu umanu no kapasidade defeza.
Partisipasaun Adidu Defeza Timor-Leste iha serimónia Enseramentu Latsarmil Komcad ASN Kementerian/Lembaga Tinan 2026 ida ne’e hanesan mós parte ida hodi hametin lasu amizade entre F-FDTL ho TNI, kontribui ba fortalese relasaun bilateral Defeza entre Timor-Leste no Indonézia, no mós fó oportunidade atu aprende prátika di’ak hosi Indonézia kona-ba preparasaun rekursu umanu no sistema Defeza Nasionál atu sustenta estabilidade no seguransa rejional.
