Virus Corona Besik Dadauk

Virus Corona Besik Dadauk

MS Foin Mak Hanoin Fatin Izolamentu

Oekusipost.com Dili – Planu governu liu husi Ministériu Saúde (MS) hodi proteze no salva sidadaun sira atu livre husi moras virus corona (COVID-2019), foin mak tama iha etapa atu foti medidas rigor maske virus ne’e besik tama dadauk ona Timor-Leste.

Nasaun barak iha mundu, liliu iha nasaun viziñu Indonézia rezulta ema nain rua mate ona. No nasaun hirak ne’e mós halo investimentu maka’as atu oinsa bele proteze sira nia sidadaun sira atu livre husi virus ne’e rasik, maibé hare ba kontestu Timor-Leste, governu rasik to’o oras ne’e seidauk indentifika fatin fixu ida hodi bele halo izolamentu ba sidadaun nasionál no sidadaun husi rai liur bainhira kona no sofre virus corona iha rai laran.

Esforsu tomak ne’ebé governu halo ona mak rezultadu reuniaun Konsellu Ministru sira iha loron Kuarta 4 Marsu 2020 foin mak depozita konfiansa tomak ba MS hodi foti desijaun rigor ba fatin izolamentu maske fizikamente fatin ne’e seidauk eziste no MS mós husu tulun ba sidadaun sira hodi apoiu MS nia servisu hodi bele halo kontrolu mazimu ba iha vizilansia.

“Ita hatene katak ami sei foti medidas rigorozu ba iha fatin, maibé ami husu apoiu masimu husi komunidade sira,” hatete Ministra Saúde Interina, Elia dos Reis ba jornalista sira iha Pálasiu Governu, Kuarta 4 Marsu 2020.

Atu realiza no konkretiza mehi governu nian hodi hetan fatin izolamentu, MS Interina, Elia nafatin husu ba sidadaun sira atu apoiu.

Governante husi partidu CNRT ne’e rekoñese no fó hanoin ba sidadaun sira katak normalmente transmisaun virus corona ne’e mai husi rai-liur, tanba ne’e governu presija kontrola maka’as iha portaun entrada sira.

“Saida mak ita halo ne’e primeiru ita tenke halo kontrolu mazimu ba iha portaun entrada ne’ebé mak ema tama mai iha ita nia rain,” esplika governante ne’e.

Membru governu ne’ebé mai husi munisipiu Vikéké ne’e katak ekipamentu médiku no la’ós médiku sira ne’ebé MS simu husi parseiru sira ne’e atu prepara iha fatin karantina no mós ba iha fatin izolamentu.

Antes ne’e mós Administradór Postu Administrativu Atauro, Munisipiu Dili, Mateus Belo rezeita ona planu MS atu harii fatin izolamentu ba pasiente virus corona. (Oki)

Virus Corona Besik Dadauk
Watch the video

MS Foin Mak Hanoin Fatin Izolamentu

Oekusipost.com Dili – Planu governu liu husi Ministériu Saúde (MS) hodi proteze no salva sidadaun sira atu livre husi moras virus corona (COVID-2019), foin mak tama iha etapa atu foti medidas rigor maske virus ne’e besik tama dadauk ona Timor-Leste.

Nasaun barak iha mundu, liliu iha nasaun viziñu Indonézia rezulta ema nain rua mate ona. No nasaun hirak ne’e mós halo investimentu maka’as atu oinsa bele proteze sira nia sidadaun sira atu livre husi virus ne’e rasik, maibé hare ba kontestu Timor-Leste, governu rasik to’o oras ne’e seidauk indentifika fatin fixu ida hodi bele halo izolamentu ba sidadaun nasionál no sidadaun husi rai liur bainhira kona no sofre virus corona iha rai laran.

Esforsu tomak ne’ebé governu halo ona mak rezultadu reuniaun Konsellu Ministru sira iha loron Kuarta 4 Marsu 2020 foin mak depozita konfiansa tomak ba MS hodi foti desijaun rigor ba fatin izolamentu maske fizikamente fatin ne’e seidauk eziste no MS mós husu tulun ba sidadaun sira hodi apoiu MS nia servisu hodi bele halo kontrolu mazimu ba iha vizilansia.

“Ita hatene katak ami sei foti medidas rigorozu ba iha fatin, maibé ami husu apoiu masimu husi komunidade sira,” hatete Ministra Saúde Interina, Elia dos Reis ba jornalista sira iha Pálasiu Governu, Kuarta 4 Marsu 2020.

Atu realiza no konkretiza mehi governu nian hodi hetan fatin izolamentu, MS Interina, Elia nafatin husu ba sidadaun sira atu apoiu.

Governante husi partidu CNRT ne’e rekoñese no fó hanoin ba sidadaun sira katak normalmente transmisaun virus corona ne’e mai husi rai-liur, tanba ne’e governu presija kontrola maka’as iha portaun entrada sira.

“Saida mak ita halo ne’e primeiru ita tenke halo kontrolu mazimu ba iha portaun entrada ne’ebé mak ema tama mai iha ita nia rain,” esplika governante ne’e.

Membru governu ne’ebé mai husi munisipiu Vikéké ne’e katak ekipamentu médiku no la’ós médiku sira ne’ebé MS simu husi parseiru sira ne’e atu prepara iha fatin karantina no mós ba iha fatin izolamentu.

Antes ne’e mós Administradór Postu Administrativu Atauro, Munisipiu Dili, Mateus Belo rezeita ona planu MS atu harii fatin izolamentu ba pasiente virus corona. (Oki)

PUBLISIDADE