COVID-19: Númeru Hein Rezultadu Nain 97

Oekusipost.com Dili – Koordenador Forsa Tarefa ba Prevensaun no Mitigasaun, dotor Sergio Lobo hateten, kazu positivu ohin nafatin de’it ba nain 17, maibé sira ne'ebé hein rezultadu hamutuk nain 97. 

Nia hatutan, loron Sábadu ohin sira konsege halo ona teste ba ema hamutuk nain 314 no Sesta horseik hala’o ona teste ba ema hamutuk nain 236. Ne’e katak iha teste adisional iha nain 78.

Husi teste sira ne’e hatudu kazu konfirmadu nafatin ba 18, ida mak di’ak tiha ona, nain 17 sei kontinua hala’o tratamentu iha sentru izolamentu iha Vera Cruz Dili.

“Kazu negativu hamutuk ema nain,195 kazu provavel iha nain 4, sei hein rezultadu teste hamutuk 97, horseik iha nain 19, no aumenta tan 78 foin hasai ne’e,” hateten dotor Sergio liu husi konferensia ba imprensa iha Sentru Konvensaun Dili, Sábadu 18 Abril 2020.

Nia hatutan, to’o oras ne’e ema sira ne’ebé sei iha kuarentena nafatin de’it hamutuk nain 607. 

Raimundos Oki
Author: Raimundos OkiWebsite: https://www.oekusipost.comEmail: Este endereço de email está sendo protegido de spambots. Você precisa do JavaScript ativado para vê-lo.
Xefe Redasaun & Editor

PUBLISIDADE